掃呢頁CODE去手機

2018年6月3日 星期日

【再度移情別戀】新歡彩豐行老闆發愛的宣言 陳庭欣速撇有米大狀 __,庭欣,陳庭欣,

陳庭欣(Toby)前年飛甩翟威廉,戀上「有米大狀」唐偉倫(Warren),以為兩人婚期不遠,未料日前爆出兩人分手,Toby仲極速有新歡,戀上現年40歲 ...


陳庭欣(Toby)前年飛甩翟威廉,戀上「有米大狀」唐偉倫(Warren),以為兩人婚期不遠,未料日前爆出兩人分手,Toby仲極速有新歡,戀上現年40歲、由屋邨仔變擁美容王國,身家億億聲嘅楊振源(Benny)。

結過婚兼有一對仔嘅Benny,經常喺社交網上載同兩個囝囝共敍天倫嘅相,相反近年緋聞唔少,曾經同孫慧雪、劉依靜傳拍拖嘅佢,從來唔會喺社交網講感情事,惟獨今年3月喺facebook貼文,同Toby發表愛的宣言:「我前半生對愛情做得不夠好,不懂珍惜眼前人,在這幾年時間,不斷接受不同朋友的聲音及建議;這一刻間,我非常認真地愛一個人,此刻我面對很多很多過去的我的意見,我想在這靜思的深夜晚上,公開為她去作出承諾,我很愛您,在這一年間,在我事業基礎穩定後,我反覆問自己我是否可完全改變過去的我,我非常確定我願意跟您分享我一生成就,去為您付出我的一切,一生一世,希望您願意跟我走到人生盡頭;在此我想請關心我的朋友見證,我此刻人生得到很多東西的時候,我真心願意跟他分享我的一切成就,希望各位衷心祝福我。」據知Benny喺今年3月21日向Toby發表愛的宣言,仲已經將感情狀況改為「戀愛中」,一反過往少提感情事嘅習慣。

至於以「過去咗」唔想回應同Warren分手一事嘅Toby,原來喺Benny發文前3日,先至用WhatsApp「通知」Warren要分手。知情人向《蘋果》爆料話:「Benny3月21日post文,佢就早幾日用WhatsApp同Warren講分手,之前一啲先兆都冇,真係好絕情。」知情者仲話身邊朋友都知Toby有異心:「覺得Warren好慘,因為Warren真係對佢好好,仲已經諗住結婚,估唔到咁好嘅男仔佢會放棄。」

精選娛聞,喺晒《娛果》

http://fb.com/appledailyent



陳庭欣先後戀上香港先生翟威廉及「有米大狀」唐偉倫,噚日有報道話佢已經同緊彩豐行老闆Benny拍拖。(ig圖片) 陳庭欣先後戀上香港先生翟威廉及「有米大狀」唐偉倫,噚日有報道話佢已經同緊彩豐行老闆Benny拍拖。(ig圖片)
(ig圖片)

(ig圖片)
正當以為陳庭欣好事近,但卻傳嚟同唐偉倫分訊。(資料圖片)

正當以為陳庭欣好事近,但卻傳嚟同唐偉倫分訊。(資料圖片)
至於新歡Benny一向對感情事低調,幾個月前就發出一篇愛的宣言。(facebook圖片)

至於新歡Benny一向對感情事低調,幾個月前就發出一篇愛的宣言。(facebook圖片)
Benny曾結婚,社交網上有不少與囝囝共敍天倫嘅相。(facebook圖片)

Benny曾結婚,社交網上有不少與囝囝共敍天倫嘅相。(facebook圖片)
(facebook圖片)

(facebook圖片)

鍾意就快D Share啦!