掃呢頁CODE去手機

2018年6月29日 星期五

背住男友約會四眼男 雷莊 __,

【雞啄唔斷】■雷莊𠒇同四眼男喺食肆入面,傾到好開心口擘擘。
【雞啄唔斷】■雷莊𠒇同四眼男喺食肆入面,傾到好開心口擘擘。港姐冠軍雷莊𠒇(Juliette)卸任在即,之前佢透露過卸任後會返加拿大發展,估唔到話口未完 ...


港姐冠軍雷莊𠒇(Juliette)卸任在即,之前佢透露過卸任後會返加拿大發展,估唔到話口未完前兩日佢已經返咗加拿大,會合佢嗰位喺當地做醫生嘅男友,仲上載咗合照喺Ig放閃。不過Juliette未返加拿大之前,見到佢約咗一位四眼男喺中環食晏,Juliette見到對方就雞啄唔斷,其間Juliette仲手舞足蹈,表情誇張,仲擘大口咁講嘢,真情流露。入到食肆,食晏時間人多,但冇人認得呢位港姐冠軍。佢哋兩個並排而坐,到嘢食嚟度,Juliette仲相機食先。



四眼男

四眼男
【作勢欲扶】■四眼男行出門外見到斜路又有梯級,想伸手捉住Juliette,點知捉唔到。

【作勢欲扶】■四眼男行出門外見到斜路又有梯級,想伸手捉住Juliette,點知捉唔到。

欲拉手臂

兩個人食咗一粒鐘,離開時舖外嘅行人路有梯級,四眼男諗住伸手去拉Juliette手臂,但Juliette行得快,四眼男根本捉唔到佢。行咗一段路,四眼男應該趕住返工,就同Juliette分道揚鑣。

其實喺月初,Juliette已經被影到同外籍男約會,事後佢話係約咗一班舊同學去飲嘢,仲話男友都識外籍男,唔知今次呢位四眼男,佢男友又識唔識呢?

撰文:馮仁昭




鍾意就快D Share啦!