網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年6月20日 星期三

【海潮演唱會】開心得滯講錯嘢 音樂出事阿嬌勁尷尬:從頭嚟過 __,阿嬌,鍾欣潼,

攝影:陳慧安
入行36年嘅美魔女溫碧霞(Irene),51歲之齡首次開個人演唱會,繼吳浩康同周國賢唱完後,Irene換第三套露肩白底花裙戰衣登場,一口氣唱出《我真的 ...


入行36年嘅美魔女溫碧霞(Irene),51歲之齡首次開個人演唱會,繼吳浩康同周國賢唱完後,Irene換第三套露肩白底花裙戰衣登場,一口氣唱出《我真的受傷了》同《勇氣》;之後輪到第三位嘉賓鍾欣潼(阿嬌)出場,啱啱做咗賴太嘅阿嬌封胸現身,密實長裙更由頸遮到落腳,而且呢條仲係長袖裙,連手臂都冇得畀人睇,加上阿嬌盤起咗一把頭髮,望落比Irene更加成熟!

兩人合唱《後來》,阿嬌嘅歌聲比較弱,所以佢都唱得好小心,到副歌才放膽去唱,兩人又拖手又擁抱,唱完後Irene叫觀眾:「畀啲掌聲嬌嬌,我未入英皇前已經識佢,嗰次大家都有啲心事。」阿嬌就話:「嗰次喺一個朋友聚會認識,嗰段大家都有啲人生中嘅心事。」Irene接着說:「我哋喺呢行經歷咁多年,每個人都會有高潮低谷,有開心有唔開心,最緊要我哋要握緊理想,我哋要有信心,堅持夢想。」阿嬌表現得好認同,不停點頭:「如果放棄夢想,冇人可以幫到你。」觀眾拍爛手掌。

跟住Irene恭喜新婚嘅阿嬌:「好戥佢開心,每個女人幾叻幾成功都好,最緊要身邊有個人錫佢,呢樣係工作上得唔到,我真係好替佢開心,大家畀掌聲祝福阿嬌。」阿嬌好感動,跟住Irene落台,阿嬌唔知係咪太開心太感動,佢喺台上講錯嘢:「今日嚟做嘉賓令到我好遺憾...sorry sorry,唔係好遺憾,係好開心,頭先嗰啲cut咗去,我真係好開心,為咗Irene呢個演唱會,綵排到凌晨,自己把聲都沙晒,好擔心唱唔到,依家都ok。」

之後,阿嬌話大家都祝福佢「最後變天后,變新娘」,跟住唱出《下一站天后》,台上大螢幕播出她同老公與姐妹合照,當佢開腔唱歌時,因為現場播MMM,點知隻碟突然跳線,搞到阿嬌勁尷尬,唱到三分之二時阿嬌忍唔住話:「Sorry,不如停咗去,從頭嚟過,用live band嚟唱,因為頭先我隻耳機冇聲。」現場樂隊即彈出《下一站天后》,從頭再唱嘅阿嬌唱到高音位好小心,表現算ok。

唱完後阿嬌又再語無倫次,唔知係咪太緊張,佢行返台中間話:「祝大家端午節快樂,之前父親節快樂,希望下次再同大家見面。」

精選娛聞,喺晒《娛果》

http://fb.com/appledailyent

攝影:陳慧安 啱啱做咗賴太嘅阿嬌封胸現身,密實長裙更由頸遮到落腳 啱啱做咗賴太嘅阿嬌封胸現身,密實長裙更由頸遮到落腳
兩人合唱《後來》,阿嬌嘅歌聲比較弱,所以佢都唱得好小心

兩人合唱《後來》,阿嬌嘅歌聲比較弱,所以佢都唱得好小心
阿嬌唔知係咪太開心太感動,佢喺台上講錯嘢。

阿嬌唔知係咪太開心太感動,佢喺台上講錯嘢。
當佢開腔唱歌時,隻碟突然跳線,搞到阿嬌勁尷尬。

當佢開腔唱歌時,隻碟突然跳線,搞到阿嬌勁尷尬。
唱到三分之二時阿嬌忍唔住話:「Sorry,不如停咗去,從頭嚟過。」

唱到三分之二時阿嬌忍唔住話:「Sorry,不如停咗去,從頭嚟過。」

鍾意就快D Share啦!


Related Posts Plugin for WordPress, Blogger...