掃呢頁CODE去手機

2018年6月17日 星期日

蕭正楠:拍劇玩殘心悠!蕭正楠計劃開舖搵銀娶翠如 __,正楠,黃翠如,翠如,劉心悠,心悠,蕭正楠,

咁即係幾時?藝人蕭正楠於無綫劇《宮心計2深宮計》與劉心悠飾演情侶,身為「前輩」卻教諧音整蠱對方,取笑她的半鹹淡廣東話!講到真實另一半時立即變認真,他向 ...


咁即係幾時?


藝人蕭正楠於無綫劇《宮心計2深宮計》與劉心悠飾演情侶,身為「前輩」卻教諧音整蠱對方,取笑她的半鹹淡廣東話!講到真實另一半時立即變認真,他向女友黃翠如許下承諾,會負責她的未來。

《宮》劇中飾演「何離」一角的蕭正楠,角色簡單而不失赤子之心,他表示劇中與劉心悠為情侶,讚對方像個乖巧的小朋友,且適應力不錯:「開頭大家好擔心佢用廣東話讀古文,同埋開工時間長,唔同拍電影,但佢話大開眼界,好欣賞佢堅持到。(教佢廣東話?)我淨係教諧音整蠱佢、玩佢讀音,但佢知我哋冇惡意,係拍攝時開心時刻。」《宮》劇是監製梅小青回歸無綫的首套劇集,蕭正楠表示不會因對方要求高而擔心,反而更期待帶來新元素:「佢揀得呢套拍就一定有信心,加上已經合作多次,好熟悉大家,啲打戲我都幾發揮到。」

醒曹永廉鹿鞭補身

蕭正楠目前除了主持節目《美女廚房》外,還與好友曹永廉拍攝《兄弟大茶飯》:「佢都求咗我好耐,我就陪佢做呢個節目!其實好有意義,會去劇組拍攝外景嘅地方即場煮嘢畀佢哋食,見到工作人員食得開心,好有滿足感。」他又指曹永廉剛為《包青天》煞科後隨即拍攝《兄》,故買條鹿鞭予對方補身:「畀佢醒一醒,見佢去廁所都好辛苦,去好耐。」

待「減產」先轉型

目前有經營漢堡店的蕭正楠透露有意做其他飲食生意,但可能待將來「減產」再考慮真正投身飲食界:「日本料理係我一直想做,以前讀書時同三個表弟喺壽司店打暑期工。」談及女友黃翠如曾表示將自己的將來交給他負責,蕭正楠說:「你睇我責任幾咁大,米飯錢唔慳得,都多謝佢對我咁有信心!呢幾年嚟同佢一齊好開心。(諗再進一步?)諗吓,一定會發生嘅放心。」

服裝:Aigle

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!