掃呢頁CODE去手機

2018年6月1日 星期五

陳自瑤提離婚其實有跡可尋 王浩信租私竇早就居已分 __,王浩信,陳自瑤,

陳自瑤提離婚其實有跡可尋王浩信租私竇早就居已分王浩信同陳自瑤分居、婚變的消息一直未停過,近日又傳出女方決定分居兼提出離婚的消息。雖然男女雙方都未就今次 ...


  • 陳自瑤提離婚其實有跡可尋

    王浩信租私竇早就居已分


  • 王浩信同陳自瑤分居、婚變的消息一直未停過,近日又傳出女方決定分居兼提出離婚的消息。雖然男女雙方都未就今次的婚變傳聞作出回應,但基於YoYo不時在個人社交網站的帖文暗示,以及《壹》仔早前已報導過,指王浩信喺屋企同一幢大廈租多咗個單位做私竇,所以有理由相信王浩信同陳自瑤早已分居,且今次YoYo提離婚應並非空穴來風。

    陳自瑤好認真經營個人社交網站,三不五時就會更新狀態,但就極少上載與王浩信的合照,而且咪睇佢啲相笑騎騎好開心咁樣,啲文字好多都會令人聯想到佢同老公感情不穩,例如:「一次重要的抉擇勝過千百次的努力!今天的生活是由三、五年前選擇決定的,而三、五年後的生活是由今天決定的!」「成熟後,發現幸福原來是一種心態,領悟就幸福。」「一千種來自外在的鼓勵,都不如你給自己的一道掌聲!」所以今次再傳婚變,仲係女方主動提出離婚,得知後一啲都唔覺得出奇,反而係認為:「終於忍唔住,要爆喇!」

    至於王浩信,近年事業愈攀愈高,忙到屋企都返唔到,對住啲緋聞女partners仲多過見老婆同個女。或者有人會話:「不過佢放工就會返屋企日出康城喎!」其實好有可能係假像嚟架,事關有消息指佢一早喺寓所同座大廈甜多咗個單位,其中一個用途,就係美其名為做workshop、搞製作、開coffee shop,實際就係私竇用嚟開P,就算帶咩人、帶幾多人返去,俾人跟到都只會以為佢返屋企,呢招掩人耳目真心高明。

    用途之二,私竇亦可作分居後嘅寓所,事關王浩信唔想同老婆感情生變嘅消息走露風聲,影響自己嘅事業。因此,極有理由相信兩人係住埋同一個屋院,但早就居已分,不過就keep住人前兩公婆無婚變,話晒陳自瑤收入有限,始終要靠老公俾家用,難怪之前肯出活動晒恩愛、又打家庭親情牌約樂易玲傾玨浩信拎視帝獎啦,直到近日又再紙包唔住火。

    36歲人妻兼人母身份嚟講,陳自瑤無得頂。

    王浩信先後與拍劇的女搭檔傳出緋聞。


    鍾意就快D Share啦!