現年44歲嘅日本女星高橋由美子曾經係當紅偶像，當年夥拍武田真治嘅偶像劇集《縮水情人》更曾在港播出，令高橋由美子屬90年代人氣玉女。
不過，高橋由美子近年形象直插谷底，佢今年初被爆搭上經營食店嘅有婦之夫，仲爆房斷正，不倫戀在3月曝光後，導致高橋由美子形象破產，不僅受盡千夫所指，其所屬事務所更同佢劃清界線，月前正式結束合作關係，據指高橋由美子不獲事務所續約，事實上等同被炒魷魚，今後在演藝界難以立足。
處於失業狀態嘅高橋由美子，由於形象欠佳，故當地電視台已唔再搵佢亮相，有傳媒爆料指，當地有導演打算斟佢復出，更想將呢段不倫戀拍成紀錄片電影搬上大銀幕，如果高橋由美子肯親身上陣，導演望原汁原味把內容重現幕前，更游說女主角全裸演繹呢段情慾關係，有圈中人估計，冇工開嘅高橋由美子接拍呢套戲復出都唔係完全冇可能。
來源 source: http://hk.entertainment.appledaily.com
|
鍾意就快D Share啦！
|
|
|
