熱爆娛樂: 【疑團解開】《深宮計》胡定欣小產後性情大變提議劉心悠升呢做公主 _

2018年6月13日星期三

【疑團解開】《深宮計》胡定欣小產後性情大變提議劉心悠升呢做公主 __,定欣,深宮計,劉心悠,心悠,胡定欣,

因為蕭定一公司同無綫有官司糾紛嘅關係，搞到娜姐周秀娜無緣宣傳佢嘅處女劇《宮心計2深宮計》，連預告片同佈景版統統被消失，不過總監梅小青就話冇cut走娜姐嘅戲份，大家都合作得開心(新聞連結：https://bit.ly/2L7m2ha)

「被消失」嘅娜姐喺呢個禮拜終於出場，之前一直話娜姐係心悠嘅家姐，呢個謎底喺亦正式解開。話說因為陳煒喺「蟠龍宴」自製一場吐血戲陷害馬浚偉，於是李龍基下令馬浚偉軟禁兼徹查，最後喺劉心悠嘅幫助下，定欣揪出真兇為馬浚偉平反。入宮為咗搵家姐殷瑈嘅心悠，喺蕭正楠嘅協助下，知道家姐原來已經死咗，心悠唔肯相信呢個事實，好彩得到蕭正楠喺身邊支持，心悠總算可以振作起嚟，仲下定決定要幫家姐搵出兇手。

陳煒為咗可以繼續留喺皇宮，表面上將啲家產交出，以示自己不再戀棧朝堂，但暗地佢散播謠言，向李龍基暗示馬浚偉有弒君奪位嘅野心，本來李龍基順應天意將皇位傳俾馬浚偉，不過最後李龍基只係交出部份權力，唔肯交出大權。之後陳煒仲發現定欣小產之後唔可以再生仔，所以佢安排外甥女，即係娜姐入宮做妃嬪。

雖然娜姐得到好多人嘅歡心，仲對馬浚偉一往情深，但係馬浚偉為咗胡定欣而討厭娜姐，本來對定欣好忠心嘅心悠，最初都同一陣線，不過因為一件事而令佢對娜姐改觀，之後娜姐被捲入呂珊被襲一事，但係最後得到心悠為佢嘅清白做證。

定欣自從小產之後，性格變得好有心計，擔心自己嘅皇后地位不補，之後佢仲同李龍基提議，納心悠做契女，最終心悠由婢女冊封為公主。

精選娛聞，喺晒《娛果》

http://fb.com/appledailyent

(影片截圖)	陳煒自製被毒害，點知俾定欣揭穿。(影片截圖)	 定欣為咗救馬浚偉而親自試食。(影片截圖)
 原來背後係心悠發現陳煒嘅詭計。(影片截圖)	 蕭正楠陪心悠去搵家姐。(影片截圖)	 心悠終於知道真相。(影片截圖)
 蕭正楠一直喺側邊陪心悠。(影片截圖)	 心悠為咗家姐，決定留喺皇宮查出真相。(影片截圖)	 陳煒知道定欣冇得再生。(影片截圖)
 馬浚偉同定欣終於獲冊封。(影片截圖)	 定欣為自己冇得生b而耿耿於懷。(影片截圖)	 周秀娜終於登場。(影片截圖)
 同馬浚偉交手。(影片截圖)	 原來娜姐同心悠唔係姊妹關係。(影片截圖)	 陳煒安排娜姐入宮做妃嬪。(影片截圖)
 定欣好擔心自己嘅地位不保。(影片截圖)	 原來馬國明同娜姐係一早認識。(影片截圖)