掃呢頁CODE去手機

2018年6月6日 星期三

對周永恒再婚冇感覺 趙頌茹最愁點同兩女交代 __,周永恒,趙頌茹,

■阿Yu噚日話前夫周永恒再婚唔關佢事。
■阿Yu噚日話前夫周永恒再婚唔關佢事。周永恒同趙頌茹(阿Yu)2010年奉子成婚,婚後生咗兩個女,點知14年周永恒被爆郁手打阿Yu兼同助手劉依靜搞婚外 ...


周永恒同趙頌茹(阿Yu)2010年奉子成婚,婚後生咗兩個女,點知14年周永恒被爆郁手打阿Yu兼同助手劉依靜搞婚外情,雖然周永恒自稱「人渣」求原諒,不過最後阿Yu決定離婚。

周永恒回復單身後搭上𡃁模黃芊詠,拍拖8個月又係分手收場,不過好快又有新歡,舊年戀上內地女友陳薇(Britni),上月28號仲被發現入紙排期結婚。唔知係咪有太多負評,Britni噚日凌晨喺Ig貼咗張婚紗相,留言:「可能我揀咗一條最艱辛嘅路,但無論如何我都會喺你身邊支持你,陪住你行落去。」



■周永恒未婚妻陳薇貼婚紗相,話再艱辛嘅路都會一齊行。互聯網圖片

■周永恒未婚妻陳薇貼婚紗相,話再艱辛嘅路都會一齊行。互聯網圖片

希望家長封口

對於前夫周永恒再婚,阿Yu噚日喺亞博出席活動時話:「好多朋友話畀我知,但我已經冇感覺,亦唔關我事。」仲話反而諗緊點樣同兩個囡囡講:「佢哋始終年紀仲細未必明,加上𠵱家又考緊試,我唔想影響佢哋,但又覺得佢哋需要知,所以仲諗緊一個合適嘅時機。希望各位家長同學睇到報道後,唔好同佢哋講住。」至於離婚後仲有冇聯絡,阿Yu話:「我哋已經冇聯絡。」

撰文:馮仁昭




鍾意就快D Share啦!