2018年6月15日 星期五

陳家樂分手痛哭 余香凝認保險才俊家留宿 __,余香凝,陳家樂,

■余香凝昨日現身講述跟陳家樂已分手約一個月,強調不涉第三者。
■余香凝昨日現身講述跟陳家樂已分手約一個月,強調不涉第三者。24歲余香凝(Jennifer)和31歲陳家樂共歷過車禍意外,兩人曾經山盟海誓,然而,前晚 ...


24歲余香凝(Jennifer)和31歲陳家樂共歷過車禍意外,兩人曾經山盟海誓,然而,前晚卻驚爆Jennifer疑背男友劈腿,上保險男高層屋企過夜,三年情已經玩完,陳家樂接受傳媒訪問時,更含淚認分手。昨余香凝憔悴現身否認出軌,對於被封「拜金港女」,她強調兩人財政獨立,委屈說:「我冇消費佢嘅名!」

陳家樂在娛樂圈捱了多年,最近才憑劇集《逆緣》上位,一直公開有親密女友余香凝,兩人拍拖三年甘苦與共,去年余香凝撞車,陳家樂更承諾會照顧她一生一世,怎知前晚卻驚爆Jennifer疑劈腿,被傳媒影到上保險高層Victor屋企過夜,家樂被追訪時含淚認已分手!昨晚家樂到旺角拍戲,問到心情好些了嗎?他雙手合十,神情哀傷,眼紅紅欲哭無淚說:「今日要拍戲,唔想回應太多。」對於女友疑劈腿致分手,他說:「佢係我最好嘅朋友,佢令我成長咗好多,我會祝福佢。我以後都唔想再講咁多感情事,希望大家關注多啲我嘅事業。」



稱絕對唔係拜金

而昨午約3時,Jennifer離開屋企時被記者追訪,為劈腿事件解畫:「我想同大家講,第一,我同家樂係分開咗差唔多一個月,我哋一齊咗幾年,總會有啲位意見不合,冇辦法去達成一個共識,選擇分開。」Jennifer深呼吸後續說:「我冇諗住去消費佢嘅名嘅成份;第二,我係一個好獨立女仔,絕對唔係報道所講用佢錢、貪名牌,我一直以嚟自己搵錢、自己養屋企人,我同家樂係財政獨立。第三,我哋分手絕對唔牽涉第三者,嗰位先生係我識咗好耐朋友,我同佢最近夾份搞一間食肆,亦有其他生意夥伴,每次開會唔係我哋兩個。」

Jennifer解釋因最近工作忙,舖頭月尾就開張:「所以我選擇做完嘢就算幾夜都好,我都想配合佢哋去開會,上面有佢屋企人,有其他生意夥伴,所以絕對唔係得我哋兩個人。」問到是否過夜留宿?她點頭:「係有試過真係開通宵。」她並指戥家樂成功好開心,希望大家給予空間,至於她指共識問題,是否指結婚?她避答:「想留番啲空間畀我哋,呢個係我哋一路以嚟嘅共識。」對於網民指她拜金,她說:「我諗相信我、識我嘅朋友就知道我絕對唔係。」否認跟Victor拍拖的Jennifer,又指兩人僅是生意夥伴。



■陳家樂昨晚仍表示余香凝是他最好的朋友。 ■陳家樂昨晚仍表示余香凝是他最好的朋友。
■陳家樂昨晚在旺角拍攝電影《速戰》,甫現身獲在場人士歡呼。

■陳家樂昨晚在旺角拍攝電影《速戰》,甫現身獲在場人士歡呼。
■余香凝(左)上周六跟胞妹接受本報訪問時,表現若無其事,不受情變影響。

■余香凝(左)上周六跟胞妹接受本報訪問時,表現若無其事,不受情變影響。

上周受訪冇異樣

到昨晚近9時,余香凝經理人公司發聲明,指劈腿報道嚴重影響余香凝形象與聲譽,保留追究權利與法律責任。

Jennifer指跟家樂分手約一個月,而上周六她跟妹妹潔瀅為《蘋果》做端午節包糭專題,當時仍很sweet地整心形糭。記者提議送給家樂時,她帶點猶豫說:「畀佢呀?好似唔係好安全,而且收到嘅人要拆開同整爛我個心,反而送畀曾經傷害我嘅人,哈哈,不過呢個諗法太黑暗,都係唔好啦。」

採訪:羅慧敏

攝影:沈健程、梁繼光、黃曉程



■余香凝2014年以bra top拍冷氣廣告漸為人知。電視圖片

■余香凝2014年以bra top拍冷氣廣告漸為人知。電視圖片
■陳家樂憑《逆緣》一劇而成功入屋。劇照

■陳家樂憑《逆緣》一劇而成功入屋。劇照
■陳家樂和余香凝2014年拍《總有出頭天》一吻定情。電視圖片

■陳家樂和余香凝2014年拍《總有出頭天》一吻定情。電視圖片

鍾意就快D Share啦!
Related Posts Plugin for WordPress, Blogger...