掃呢頁CODE去手機

2018年6月19日 星期二

自稱為佢打交張敬軒關智斌打情罵俏 歌迷叫咀嘴 __,張敬軒,關智斌,

■Kenny(左)前晚在台上主動企到軒仔身邊,還搭着他的膊頭。
■Kenny(左)前晚在台上主動企到軒仔身邊,還搭着他的膊頭。張敬軒在紅館連開六場騷,事業得志的他感情生活卻撲朔迷離,過去十多年,只跟同性的關智斌(K ...


張敬軒在紅館連開六場騷,事業得志的他感情生活卻撲朔迷離,過去十多年,只跟同性的關智斌(Kenny)傳斷背,最近傳兩人不復當年情;前晚軒仔請到Kenny做嘉賓,在台上一抱化解隔夜仇,兩人公然打情罵俏,軒仔更自稱當年BOY'Z為他打交,歌迷還high爆叫兩人咀嘴。

現年37歲的唱作歌手張敬軒加入樂壇已經十八年,近日在紅館舉行六場「張敬軒Hinsideout演唱會」,還化身天后「降兩度」登場,剃腳毛戴掃把頭假髮扮女人。軒仔在台上雌雄莫辨,台下感情生活亦撲朔迷離,一直盛傳他是同志歌手但沒出櫃,多年來跟同性的關智斌緋聞不絕,不過近年有指兩人已感情不再。

軒仔一連六場的演唱會,每場都請好友藝人做嘉賓,前晚第四場竟請了BOY'Z兩位成員關智斌和張致恒(Steven),當Kenny驚喜現身舞台時,全場尖叫拆天。BOY'Z升上台與軒仔合唱《死性不改》,唱到一半的Steven抵死問Kenny:「點解你會嚟做嘉賓嘅?」Kenny理直氣壯答:「我鍾意呀,你吹呀!」合唱後,就算只是Steven說話,觀眾都叫到拆天,軒仔笑說:「我都唔知你哋叫乜。」接着望着Steven說:「你講嘢佢哋都叫到咁。」轉身指着Kenny笑說:「咁佢講嘢……」觀眾勁合作發出狂呼,被陪襯的Steven抵死說:「我完成任務啦,我落台先!」軒仔即阻止:「你講嘢呀你!」



■軒仔請到BOY'Z做嘉賓,全場立即尖叫。 ■軒仔請到BOY'Z做嘉賓,全場立即尖叫。
■黃秋生前晚與甄詠蓓到紅館睇契仔軒仔開騷。

■黃秋生前晚與甄詠蓓到紅館睇契仔軒仔開騷。
■超蓮(左)和Yumiko坐第一行靚位睇騷。

■超蓮(左)和Yumiko坐第一行靚位睇騷。
■謝霆鋒到紅館睇「降兩度」,親自驗明正身。

■謝霆鋒到紅館睇「降兩度」,親自驗明正身。

入行已是好友

由於觀眾反應太激烈,軒仔笑說:「知唔知乜叫無敵嘅嘉賓呀!」Steven即刻指着Kenny,想不到Kenny竟主動企到軒仔身邊,還用手攬着軒仔,鬼馬笑說:「我企到咁都仲得呀。」軒仔表示BOY'Z是自己初入行相識的好朋友,所以決定第一次在紅館開六場個唱,一定要請他們來分享。他又搞鬼說:「既然咁耐冇見,有啲私人恩怨想喺度解決,我聽講網上有人寫咗個古仔,話你哋兩個為咗我喺salon打交,究竟係咪?」Kenny即搶答:「你諗多咗啦張生!我哋兩個成日打交㗎,每次打完交,Mani就會打嚟,佢話:『打還打唔好打面,話晒靠個樣搵食。』」



Steven食花生

而Steven則坐埋一角睇戲,軒仔問他做甚麼?Steven抵死說:「我見你哋咁耐冇見,畀你講埋先囉!」軒仔反擊:「你又知我哋好耐冇見?」觀眾即起哄大叫:「咀佢!咀佢!」之後軒仔正經多謝Steven由橫店趕回來做嘉賓,Steven再抵死問軒仔:「我想問你,你做乜多謝我,唔多謝佢?」軒仔答:「我點會唔多謝佢,我仲要恭喜佢做咗業主嘛!」Steven轉矛頭玩Kenny:「你都仲未講,你點解會嚟做嘉賓?」 Kenny說:「我嚟報仇呀。」Steven再狙擊:「報乜仇?隔夜嗰啲呀?噚晚嗰啲仇呀?」全場爆笑,兩人沒有招架能力,最後三人再合唱《La La世界》告終。

撰文:皓騫




鍾意就快D Share啦!