掃呢頁CODE去手機

2018年6月3日 星期日

【前正印開腔】疑被硬撬千億男友 劉依靜暗寸陳庭欣手段高:又靚又好叻 __,劉依靜,陳庭欣,庭欣,

有搶仔前科嘅陳庭欣(Toby)被爆疑再做小三,從正印劉依靜(Ruby)手中硬撬身家逾億嘅彩豐行老闆楊振源(Benny),慘被拋棄嘅Ruby以短訊回覆《 ...


有搶仔前科嘅陳庭欣(Toby)被爆疑再做小三,從正印劉依靜(Ruby)手中硬撬身家逾億嘅彩豐行老闆楊振源(Benny),慘被拋棄嘅Ruby以短訊回覆《蘋果》暗寸Toby手段高:「事情已經告一段落,Benny開心就得啦,Toby又靚又好叻,祝福佢哋!我比較希望遇到番個簡單愛情。」

《蘋果》再致電Ruby了解詳情,佢喺電話只說:「其實關於分手嘅過程同埋一齊幾耐,呢啲我就唔多講啦,因為始終係我哋之間嘅感情事,加上其實件事發生咗唔係好耐時間,我依家講番起都有會有啲唔開心,可以講嘅就係我同佢依家係分開咗。」

不過,據知情人士爆料,Benny於去年年尾喺宴會上認識Toby,初時兩人以傾工作為名密密見,主動出擊嘅Toby更把握機會,趁Ruby每星期有兩日返自己屋企過夜,Toby即乘虛而入踩上Benny嘅豪宅打邊爐玩啤牌,兩人感情發展一日千里;後來Ruby發現男友頻頻收短訊,又見到來電顯示係Toby嘅名,發覺事有可疑向男友興師問罪,但當時Benny死口咬定同Toby「只係朋友」。

然而,有次Toby又打電話畀Benny,咁啱就係Ruby接聽,Ruby宣示主權:「我係Benny女朋友。」可惜,最後Benny都係貪新忘舊,於3月尾向Ruby提出分手,正印位置換人!知情者表示:「Benny只係用whatsapp講分手,話自己對唔住Ruby,但冇承認同Toby關係,Ruby好傷心爆喊。」

至於被指是第三者嘅陳庭欣回覆傳媒:「我今晚有深宮飯局,會一次過回應架啦,謝謝!」

精選娛聞,喺晒《娛果》

http://fb.com/appledailyent



Ruby透露「分開咗」,而且「發生咗唔係好耐」。(微博圖片) Ruby透露「分開咗」,而且「發生咗唔係好耐」。(微博圖片)
但兩人感情事,Ruby就冇再多講。(互聯網圖片)

但兩人感情事,Ruby就冇再多講。(互聯網圖片)
講到陳庭欣,Ruby讚對方「又靚又好叻」(ig圖片)

講到陳庭欣,Ruby讚對方「又靚又好叻」(ig圖片)

鍾意就快D Share啦!