2018年6月14日 星期四

袁偉豪:亡父設靈 袁偉豪灑淚:遺憾睇唔到我成家 __,袁偉豪,

袁偉豪亡父設靈。藝人袁偉豪(Ben)的父親袁永泰上月因鼻咽癌離世,享年67歲,今日在紅磡世界殯儀館設靈。Ben於下午四時許與女友張寶兒及袁母以一身樸素 ...


袁偉豪亡父設靈。


藝人袁偉豪(Ben)的父親袁永泰上月因鼻咽癌離世,享年67歲,今日在紅磡世界殯儀館設靈。Ben於下午四時許與女友張寶兒及袁母以一身樸素打扮到場打點,待安頓好母親後,Ben再次現身接受訪問。

遺體明日火化

Ben透露喪禮以道教儀式舉行,明日將上山火化,媽咪因喪事而心情反覆,他說:「今日到殮房認領遺體,大家都忍唔住落淚。事件發生成個月,心情係可以喘息吓,但呢一、兩日心情傷感、心酸,但都唔可以抒發,因為呢個時間需要堅強,希望將喪事完成、將工作做好,可以同屋企人去旅行散心。」問到亡父可有甚麼交託他完成?Ben終於忍不住情緒,流下男子漢的眼淚:「佢會好放心,我最遺憾係唔可以喺佢有生之年,畀佢見到我成家立室。」

問亡父有否留下深刻印象的說話?Ben說:「聽媽咪講番都好感觸,由佢知道身體情況唔理想,佢就話想睇世界盃、想去主題公園,但估唔到離開只係咁短時間,依家我一個人獨處,都會諗番起佢。」提到女友張寶兒指袁爸爸好堅強,Ben感觸說:「佢係好堅強,佢一粒止痛藥都冇食過,表面嘅痛係可以理解,但真正嘅痛只有佢先會知。佢知道身體情況唔理想,選擇留喺屋企,將日子留番喺舒服嘅地方。」

靈堂布置莊重簡潔

袁父的喪禮靈堂布置莊重簡潔,以白色為主,橫匾寫有「浩氣長存」。靈堂兩旁放滿由家人以及袁偉豪的藝人好友送上的花牌,包括電視廣播有限公司、無綫高層樂易玲、胡定欣、歐陽震華夫婦、梁烈唯夫婦、謝東閔與朱智賢等。袁父生前曾表示想收看世界盃,家屬亦貼心為他準備印有球賽的電視機祭品。而在靈堂上,袁偉豪與女友張寶兒一直用心照料袁媽媽。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...