2018年6月14日 星期四

【無限遐想】與周秀娜粗暴行房?馬浚偉:唔敢做得太放 __,馬浚偉,周秀娜,

(影片截圖)
娜姐周秀娜喺噚晩嘅《宮心計2深宮計》正式登場,因為陳煒知道胡定欣冇仔生之後,即刻搵咗姨甥女周秀娜入宮做妃嬪,結果搞到胡定欣驚自己地位不保,頻頻出招打擊 ...


娜姐周秀娜喺噚晩嘅《宮心計2深宮計》正式登場,因為陳煒知道胡定欣冇仔生之後,即刻搵咗姨甥女周秀娜入宮做妃嬪,結果搞到胡定欣驚自己地位不保,頻頻出招打擊娜姐。(新聞連結:https://bit.ly/2HHVekt)

喺聽晚播出嗰一集,因為娜姐深得太上皇同皇太后嘅歡心,喺陳煒嘅力爭下,娜姐冊立為正二品昭儀,不過令到馬浚偉更加抗拒兼不滿,礙於太上皇嘅威嚴,馬浚偉只好敢怒不敢言。

陳煒針對呢一點,處處為難定欣,甚至乎喺尚宮局籌備嘅冊封時候,借意多次刁難,甚至掌摑康華,以示自己有太上皇撐腰。表面上定欣處處表現為大局著想而忍讓,但係實際上佢為咗唔俾人搶走佢嘅嘢,用盡方法令馬浚偉唔接受娜姐。

好似喺冊封前夕,定欣去搵娜姐,睇吓籌備冊封大典嘅進度,期間佢知見陳煒送咗一支用石榴花製成嘅開榴百子,寓意多福貴子,定欣知道之後,扮唔小心咁整斷,本來娜姐都不以為意,點知定欣又自編自導自演,打傷自己嫁禍俾娜姐,仲扮委曲求全,叫馬浚偉唔好耽誤良辰美景。

結果馬浚偉一怒之下,匆匆去飲完否合卺酒之後,用近乎粗暴嘅方式,扯爛娜姐嘅衫而草草了事,完成後娜姐好冷漠咁喺張床度喊!雖然喺鏡頭前,馬浚偉同娜姐一啲都冇親熱場面,娜姐都只係露吓膊頭同大脾,但係反而會令你意識到成個過程係幾咁求其,而娜姐喺電視上嘅表現,暫時就冇乜特別出色嘅地方,唯有慢慢睇落去先知喇。

馬浚偉噚日接受《蘋果》訪問,講到當日拍呢場戲,佢話:「其實拍嗰陣冇尷尬,導演都冇要求我哋有乜嘢動作,只係除佢衫、揭佢條裙,之後就係意識上嘅嘢,始終呢套係古裝戲,所以用畫面同神態去交代嗰種感覺。」

馬仔仲話:「我哋係有啲保留,唔敢做得太放,始終尺度唔係太容許。娜姐真係好好傾,拍完呢套戲真係好欣賞佢,雖然佢第一次拍劇,但係佢啲準備功夫真得好足,尤其係嗰啲喊戲!」至於劇情嘅發展,佢就話:「我只可以講我嘅陰暗面已經走緊出嚟,游走喺正邪之間!」

精選娛聞,喺晒《娛果》

http://fb.com/appledailyent





(影片截圖) 陳煒希望借娜姐鞏固自己嘅勢力。(影片截圖) 陳煒希望借娜姐鞏固自己嘅勢力。(影片截圖)
陳煒送開榴百子,寓意多福貴子。(影片截圖)

陳煒送開榴百子,寓意多福貴子。(影片截圖)
娜姐希望為皇上開枝散意。(影片截圖)

娜姐希望為皇上開枝散意。(影片截圖)
定欣假意接受娜姐。(影片截圖)

定欣假意接受娜姐。(影片截圖)
定欣知道開榴百子嘅寓意,深感不滿。(影片截圖)

定欣知道開榴百子嘅寓意,深感不滿。(影片截圖)
定欣扮唔小心整斷。(影片截圖)

定欣扮唔小心整斷。(影片截圖)
定欣仲自編自演娜姐打。(影片截圖)

定欣仲自編自演娜姐打。(影片截圖)
馬浚偉知道好嬲。(影片截圖)

馬浚偉知道好嬲。(影片截圖)
馬浚偉用近乎粗暴嘅方法對付娜姐。(影片截圖)

馬浚偉用近乎粗暴嘅方法對付娜姐。(影片截圖)
扯爛件衫! (影片截圖)

扯爛件衫! (影片截圖)
接起條裙。(影片截圖)

接起條裙。(影片截圖)
好快完事!(影片截圖)

好快完事!(影片截圖)
為咗保住地位,定欣會用好多手法去鞏固自己。(影片截圖)

為咗保住地位,定欣會用好多手法去鞏固自己。(影片截圖)

鍾意就快D Share啦!
Related Posts Plugin for WordPress, Blogger...