掃呢頁CODE去手機

2018年6月5日 星期二

回復單身半年入紙結婚 周永恒再婚娶大陸女友 __,周永恒,中國,大陸,

■周永恒同老婆搞掂離婚手續唔夠半年,上月底已經同內地女友陳薇入紙結婚。資料圖片
■周永恒同老婆搞掂離婚手續唔夠半年,上月底已經同內地女友陳薇入紙結婚。資料圖片今年34歲嘅周永恒(Roy),2014年搞婚外情,背妻偷食劉依靜(Rub ...


今年34歲嘅周永恒(Roy),2014年搞婚外情,背妻偷食劉依靜(Ruby),兩人嘅疑似淫照曝光,仲衰到涉打老婆趙頌茹(阿Yu),阿Yu梗係離家出走,兩公婆離婚收場,兩個囡囡就跟媽咪阿Yu。之後Roy被封世紀賤男,連佢自己都承認係人渣,之後Roy嘅是非一籮籮,個底花喱花碌,估唔到依然有女埋身,上月底更入紙同32歲內地女友陳薇結婚!



■阿Yu噚日對前夫再婚一事,唔想再回應。

■阿Yu噚日對前夫再婚一事,唔想再回應。

前妻舊愛冇回應

對於前夫計劃再婚,阿Yu以短訊回覆:「冇回應。」問到Roy有冇通知佢或囡囡再婚消息?阿Yu話:「都係你哋問我先知。」再問佢其實係幾時正式搞掂所有離婚手續?佢話:「2017年尾。」即係阿Roy回復單身未夠半年,已經急不及待申請再婚!問到Roy有冇探兩個囡囡?阿Yu一樣係唔想講。

而Roy另一位前度劉依靜,當日疑介入Roy同阿Yu婚姻,最後都係分咗手,又搭上身家以億計嘅彩豐行老闆楊振源(Benny),不過風水輪流轉,佢俾陳庭欣硬撬牆腳,Ruby對於舊愛Roy將再婚,同樣話冇嘢講!

撰文:馮仁昭




鍾意就快D Share啦!