原來係在乎...個過程！
無綫節目《美女廚房》晚上在將軍澳電視城錄影，今集嘉賓請來「視帝」陳展鵬、阮兆祥和胡鴻鈞。陳展鵬與擔任美女學徒的女友單文柔一齊受訪，陳展鵬被問到對單文柔的烹飪手勢有甚麼評價？他笑說：「有試過，可圈可點啦，有啲好食、有啲就唔好食，因為佢要為節目煮一啲奇特菜式。（直接話唔好食？）又好少話唔好食，會話可以啦。」單文柔被問到菜式被彈會嬲？她笑說：「真嘢就唔好講出嚟。」陳展鵬笑說：「咁即係嬲？」
陳展鵬平時也有下廚，自言煮餸快狠準，他笑說：「我煮得快好多，佢煮得慢啲當食消夜，依家好方便可以上網學。」單文柔笑謂有試過陳展鵬的廚藝，但當然是男友煮得比較好吃。
問到兩人可有一起下廚玩煮飯仔？陳展鵬笑說：「好似有，又好似冇，都唔記得。（鍾意一齊煮飯嘅情趣？）開心嘅，一齊諗吓煮啲乜、點煮，醉翁之意不在酒，最緊要係個過程，同埋依家都多數係屋企食飯。」單文柔笑說：「女仔都鍾意煮嘢食，如果男仔都鍾意都幾開心。」陳展鵬對於租務糾紛指已經交給律師處理，暫時沒有新進展。
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|