掃呢頁CODE去手機

2018年6月26日 星期二

李思捷:C1:李思捷暗撻「嫩口劉佩玥」訂婚 __,思捷,劉佩玥,李思捷,

「冇腳雀仔」見家長好事近!現年44歲的李思捷多年來身邊女伴車輪轉,年前與「春卷」王寶葆分手後一直未有穩定女友,最近他正式「封盤」,有指將與一名年輕20 ...


「冇腳雀仔」見家長好事近!


現年44歲的李思捷多年來身邊女伴車輪轉,年前與「春卷」王寶葆分手後一直未有穩定女友,最近他正式「封盤」,有指將與一名年輕20歲、貌似劉佩玥的嫩口女友訂婚!二人已發展至同居試婚階段,日前雙雙離開何文田愛巢,相約李媽媽歎茶見家長。對於訂婚一事,思捷興奮回覆:「等我派帖」

有「溝女王」之稱的李思捷桃花旺盛,緋聞多多,就算年前與王寶葆(春卷)拍拖期間,亦不時「孔雀開屏」,被拍得背着正印與女性夜蒲密會。而他與「春卷」分手後,先後與陳雅倫、李思蓓等傳出緋聞,但統統都是「冇米粥」,不過「四張幾嘢」的思捷終於定性,據悉他早前於朋友聚會上,結識了一名廿歲出頭的「嫩口劉佩玥」,女方長長頭髮,外表斯文賢淑,相識不久已打得火熱,縱使年齡相差約廿年,但面對嫩口女友,思捷卻打算將其私有化,有指兩人早前已火速訂婚,「嫩口劉佩玥」更不時現身男友何文田寓所,展開同居關係增進了解。

體貼照顧未來奶奶

日前思捷便帶女友做「孝順新抱」往探望未來奶奶,當日他與女友雙雙離開愛巢,沿途邊行邊談情,期間又手拖手「蜜蜜斟」,步往附近李媽媽的寓所。未幾思捷駕車接載母親及女友直駛尖沙咀一間酒店,思捷協助坐輪椅的母親落車時,女友亦表現體貼立即上前幫手,不過,當她發現記者時,卻極為怕醜,火速先行步入酒店內。一行人歎茶歎足個多小時才埋單走人,不過離開時「嫩口劉佩玥」卻走秘道,獨留思捷驅車送母親返家。

「大個佬」唔好玩嚟玩去

思捷及後接受本報訪問,提及和女友與媽媽飲茶時,他說:「女仔係要識嘅,我都40幾歲,唔識女仔好大鑊。(聽聞你哋訂咗婚?)嘩!我都想呀!咁你等我派帖我都想快啲乖乖哋定落嚟,識啲又好又適合自己嘅,我都大個佬大家要了解深入啲先,性格方面都好重要,要互相適合先得。(阿媽覺得佢點?)哈哈!最緊要個仔鍾意、喜歡啫!阿媽都話啱就快啲喇!唔好玩嚟玩去!身邊好多朋友都催我結婚。」他還透露母親兩年前脊椎發炎要坐輪椅,每星期接受物理治療,問到會否快些送個新抱給母親陪覆診,他即笑說:「咁我家姐又好好喎!佢成日都陪阿媽去覆診嘅。」

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!