網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年6月6日 星期三

【娛果Live】阿嬌蜜月後偕夫返港拖手現身 唔肯俾老公滿分:怕佢驕傲 __,阿嬌,鍾欣潼,

阿嬌(鍾欣潼)同賴弘國上月26號喺洛杉磯舉行婚前party,之後一對新人留喺美國度蜜月,佢哋將辦理正式註冊手續,9月喺香港擺酒宴請親友。阿嬌今日傍晚坐 ...


阿嬌(鍾欣潼)同賴弘國上月26號喺洛杉磯舉行婚前party,之後一對新人留喺美國度蜜月,佢哋將辦理正式註冊手續,9月喺香港擺酒宴請親友。

阿嬌今日傍晚坐客機抵港,《蘋果》直擊阿嬌偕夫步出閘口,請登入《蘋果》娛樂fb專頁《娛果》收睇。

《娛果》Facebook 專頁:http://fb.com/appledailyent

蘋果動新聞 YouTube頻道:https://youtu.be/m1pleKkEIJE

晚上7點13分,阿嬌同老公拖手現身,二人面露甜笑,兩公婆均戴帽,阿嬌手戴巨鑽,拎住一個藍色手袋,阿嬌話之前冇通知傳媒係因為搞嘅唔係婚禮,佢哋認識時間唔多,所以佢哋先想約一班朋友聚吓,影咗啲片到時喺婚宴播,被問慣唔慣被叫賴太,阿嬌笑一笑有啲怕羞,未有回應,阿嬌指唔可以俾老公滿分,怕老公驕傲,而老公俾佢滿分,講到點解俾阿Sa花球,阿嬌話:「我想身邊嘅人都幸福。」

阿嬌同老公喺美國逗留幾日度蜜月後,就去咗日本,再去台灣,之後先返香港;老公稱阿嬌成日都有返台灣,賴爸好鍾意阿嬌,第一次見已經鍾意阿嬌,一家人都好開心,老公聽日要離開香港。

講到Joey最後拎到簽證去佢嘅婚前party,阿嬌表示有啲感動:「佢突然之間,我好開心,我係冇諗過換人,阿Sa有話叫Joey寄件衫過嚟,我都冇諗過換人,Joey真係好好彩,工作人員都幫手上網睇排期,可能報道出咗,美國領事館睇到報道,覺得好感動,所以俾個面。」至於生B問題,阿嬌覺得要順其自然。最後兩公婆企定定,俾在場傳媒影相,二人再次甜蜜對面。

阿嬌上月搵咗「龍虎蛇」Joey、阿Sa同Yumiko做姊妹,(新聞連結:https://bit.ly/2J6UPwM),阿嬌致詞眼濕濕指呢段感情真係唔容易,但係佢哋盡量花時間去見面同維繫,好努力咁互相扶持同鼓勵,最終阿嬌將花球塞咗俾阿Sa,希望阿Sa做下一個新娘子。

精選娛聞,喺晒《娛果》

http://fb.com/appledailyent


鍾意就快D Share啦!