掃呢頁CODE去手機

2018年6月14日 星期四

【敏敏係邊個?】唔係祖兒阿Sa送 阿嬌落tag鳴謝送婚紗摯友 __,阿Sa,鍾欣潼,阿嬌,容祖兒,祖兒,蔡卓妍,

(網上圖片)
上月升呢做咗賴弘國(Michael)太太嘅鍾欣潼(阿嬌),仍然沉醉喺甜蜜新婚裏面,今日喺ig上載足版婚紗短片,留言:「特別鳴謝陳映之導演拔刀相助#拍得 ...


上月升呢做咗賴弘國(Michael)太太嘅鍾欣潼(阿嬌),仍然沉醉喺甜蜜新婚裏面,今日喺ig上載足版婚紗短片,留言:「特別鳴謝陳映之導演拔刀相助 #拍得好靚呀 #仲要多謝敏敏送我嘅婚紗。」之前好姐妹蔡卓妍(阿Sa)話過會同容祖兒夾錢戲婚紗給阿嬌,當時阿Sa話:「好想睇佢好靚咁出嫁。」(新聞連結: https://bit.ly/2LKXkm5 )

原來,阿嬌呢件來自英國Jenny Packham嘅性感婚紗,並唔係阿Sa同祖祖合送,有心水清網民都留言:「婚紗唔係祖祖同sasa送咩?」、「祖祖同sasa送嗰條呢?」其實當日Twins出發到美國做騷,問到阿嬌收到祖祖同阿Sa送嘅婚紗未?當時阿嬌不肯多講,表示:「唔講喇!」阿Sa就話:「未呀!佢都未揀,未有呀!」

短片中嘅阿嬌同老公齊齊切結婚蛋糕,兩人又喺天台拍攝頭貼頭、鼻掂鼻嘅浪漫畫面,仲有送嫁嘅祖兒、阿Sa同鄭希怡攬着新娘子,阿嬌興奮拋高花球,甜蜜滿瀉。

此外,6.16係祖祖38歲牛一,阿嬌貼咗條預祝祖祖生日快樂短片,留言:「嬌仔祝壽星祖福如東海壽比南山 #生日月 #永遠幸福快樂越嚟越Q #愛你係梗㗎喇!」

精選娛聞,喺晒《娛果》

http://fb.com/appledailyent

(網上圖片) 阿嬌放咗結婚條片上網,有「龍虎豹蛇」嘅鏡頭。 阿嬌放咗結婚條片上網,有「龍虎豹蛇」嘅鏡頭。
拍到好似廣告咁

拍到好似廣告咁
難怪阿嬌嗌靚

難怪阿嬌嗌靚
網民都好奇問婚紗唔係阿Sa同祖祖送(網上圖片)

網民都好奇問婚紗唔係阿Sa同祖祖送(網上圖片)
祖祖就快踏入38歲(網上圖片)

祖祖就快踏入38歲(網上圖片)
祖祖切生日蛋糕許願:「願望達成」(網上圖片)

祖祖切生日蛋糕許願:「願望達成」(網上圖片)

鍾意就快D Share啦!