掃呢頁CODE去手機

2018年7月20日 星期五

【還原經過】疑似0靚模Diva扶手梯「攝位」篤手機 與大劉對罵十分鐘 __,大劉,手機平板,手機,劉鑾雄,

左圖:讀者傳先生提供影片截圖
大劉劉鑾雄,噚日喺銅鑼灣希慎同「路過少女」起爭執,引嚟途人圍觀。報道一出,已經逾百萬點擊。(新聞連結:https://bit.ly/2zV8rYK)根 ...


大劉劉鑾雄,噚日喺銅鑼灣希慎同「路過少女」起爭執,引嚟途人圍觀。報道一出,已經逾百萬點擊。(新聞連結: https://bit.ly/2zV8rYK )

根據讀者傅先生目擊,噚日下晝五點左右,當時大劉與甘比,同行仲有一對仔女秀樺同仲學,以及保鑣等一行人搭扶手電梯上一樓,就係喺呢度發生嗌霎事件。傅先生稱當時短裙少女質問大劉︰「你唔敢呀?」仲叫佢「積福」,大劉怒道:「積你個福!積你老母!佢(子女)受傷係咪你賠呀?」少女辯稱︰「我睇緊㗎!」大劉再爆一句︰「你掛住睇你嘅(手)機呀!」

事發時人來人往,目擊者眾,有讀者李小姐再向本報爆料,詳述事件始末。據李小姐稱,當時大劉係同妻兒一家四口,與保鑣喺現場。之前甘比陀B嗰陣已經帶過對仔女去希慎嘆下午茶,未知今次係咪都去同一間啦。

事件就發生喺扶手梯睇上。當時甘比拖住囝囝,囡囡就喺前面,大劉就「壓軸」。個陣就咁擺喇。點知該名短裙少女就攝咗中間嗰級,同甘比只係相差三四吋距離。李小姐形容女子在扶手電梯上左手拎住手機,右手忙於篤篤篤打字,未有捉實扶手。

李小姐稱當時大劉提佢:「呀姐姐,好心你唔好掛住睇手機啦,好危險0架,撞親人點算?」女子即反問:「點會?我睇緊路,點會跌親?」由於女子就係企喺大劉一家中間,所以大劉特別緊張啩。一聽到女子咁講,自然扯火,厲聲問:「你點睇路呀?你睇住部手機!你知唔知幾多意外?而且仲會整到其他人,你有冇諗過撞到人點算?如果我老婆仔女整親,係咪你賠先!」

據知,女子當時係唔認得同佢對罵嘅男子係大劉,認得之後,女子聞言反擊:「咁有善心,就積下福!係咁喺度鬧人!嘥啲時間做有意義嘅嘢」所以就爆出大劉呢句:「積你個福!積你老母!佢(子女)受傷係咪你賠呀?」又再爆:「邊個叫我話緊你仲係咁嘅態度?」又就其樣貌作出批評,女子馬上澄清:「我冇整容!如我證明我冇整容,你賠番幾錢俾我!」兩人爭執咗十分鐘,最後秀樺拉一拉大劉,大劉即熄火離開。

另有讀者報料指,該名女子,據指就係27歲嘅o靚模許珮榆(Diva)。《蘋果》今日聯絡Diva求證,未獲回覆。


鍾意就快D Share啦!