掃呢頁CODE去手機

2018年7月3日 星期二

【直擊整容過程】歌手迪子韓國抽臀脂放入塊面 削骨隆鼻 忍受14日面腫 (足本版) __,整容,迪子,

胡鴻鈞變臉,俾網民話佢係削骨還父!嗱,呢位11年出道嘅歌手迪子,就真係削骨還父,數月前佢由死黨莊端兒陪住飛去韓國整容,削骨隆鼻,依家我哋就去直擊佢呢個 ...




胡鴻鈞變臉,俾網民話佢係削骨還父!

嗱,呢位11年出道嘅歌手迪子,就真係削骨還父,數月前佢由死黨莊端兒陪住飛去韓國整容,削骨隆鼻,依家我哋就去直擊佢呢個翻身工程。

睇真啲,迪子pizza面無咗、個鼻高咗、顴骨削咗,雖然個樣未致變倒模baby咁面目全非,但絕對係一個變臉大工程。

究竟佢塊面「裝修」過邊部份?

迪子:「首先削咗鼻樑嘅骨,跟著將它放在鼻頭,整高鼻子,還有削了顴骨,所以會在髮鬚及口腔裡開刀,其實我覺得臉龐細了很多,即是削了顴骨後,還有抽臀部大約100cc嘅脂肪,放返落塊面,做輪廓修正。」

手術後,係咪好辛苦?

啱啱做完手術可能會嘔,所以最辛苦係佢地唔俾我飲水,又塞住了鼻子,跟著唯有用口呼吸,好口乾攪到喉嚨劇痛。反而傷口無想像中咁痛,我無覺得痛嘅感覺,只有塊面好腫。到第二 三日已經有食嘢,不過就食一啲流質食物。」

不過女人貪靚程度,係經得起任何痛楚。

「當醫生同我講話盡量幫我削,跟住佢就捉住我隻手,因為我最初唔敢掂,佢就捉住我隻手咁樣度塊面,跟住我一擺埋去就覺得細好多,因為過往我顴骨好闊,又方方地,當時其實個樣仲好腫,但係一摸自己個顴骨,塊面窄咗咁多,就已經好開心。」迪子說。

變臉後,朋友嘅反應,竟然係不約而同問佢呢個問題。

「有啲朋友初頭都有問,你驚唔驚出唔到境,即係同你護照上個樣唔同,認唔到你,但我發現佢地海關好似都覺得好平常,來韓國整容好平常,同埋佢地出入境都係打指模,所以又無乜問題。」

整容後,係咪自信心比以前多咗?

「當然啦,以前成日用頭髮遮住塊闊面,好多造型都唔敢試,依家可以梳all back。」

曾經因為外貌,令事業也受阻礙。

「最多喺網上留言,即係話你唔夠靚,佢地對所有幕前人都會有要求,會覺得你唔靚,無聽過你嘅作品,都會推翻曬你所有嘢。」

若非去年底在韓國遇意外受傷,牙齒甩掉毀容,會選擇整容嗎?

迪子斬釘截鐵的說:「唔會,因為我而家做歌全部都係自資,

根本無多餘錢去做其他嘢,即係可能諗都無諗過有呢個機會,不過我一向對整容都唔反感,依家有機會有公司贊助,就唔介意改善自己個樣。」




鍾意就快D Share啦!