掃呢頁CODE去手機

2018年7月17日 星期二

【美人計2之一】宅男戀美容妹變人肉提款機 2年遭搾乾50萬 __,美人計,

(圖左)阿勇(中)本月難得跟女友Coco(左)約會,但Coco卻全程跟他保持距離。右為表弟阿杰。根據Coco與阿勇對話截圖顯示,Coco認為現時不拖手的男女朋友關係正常,若阿勇要求改變,就跟要得到女人肉體的「衰人」無分別。(受訪者提供)
「佢係好保守嗰啲女仔,即係依家都未拖到手,佢話呢啲係做咗老公先會做嘅嘢,我梗係覺得拍拖正常都拖吓手。」阿勇前年開始跟網上認識的美容師Coco拍拖,但她 ...


「佢係好保守嗰啲女仔,即係依家都未拖到手,佢話呢啲係做咗老公先會做嘅嘢,我梗係覺得拍拖正常都拖吓手。」阿勇前年開始跟網上認識的美容師Coco拍拖,但她至今都不準他拖手或親咀,近兩年來見面不足10次。阿勇表達不滿,反被質疑:「你係咪好似其他男人咁,想得到女人嘅肉體!」他無可奈何,親戚卻向《蘋果》透露,阿勇是宅男一名,Coco兩年來經常問他索錢購物,至今已花去他近50萬元,希望他能醒覺。

記者:李啟發 攝影:周子惇

阿勇(化名)是家中長子,親人形容他是宅男,平日嗜好只有打機,中五畢業後,因任職保安等工作,「返工地點少女仔」,多年來未嚐拍拖滋味。他直言,以往不時上網識女仔,「好多方法都試過,多數上網搵唔同女仔傾偈,(反應)有啲都好,但未約到出嚟。」

做facial產生戀愛感覺

直至前年7月28日,終於被他遇上「真愛」。阿勇透過手機交友app認識了二十歲出頭的美容師Coco,之後由WhatsApp對話得知她有養狗,周日又會與家人食飯,覺得她「好乖好孝順」。聊天兩日後,Coco便介紹阿勇到她元朗阿姨的美容院做facial。

阿勇憶述當時感覺:「梗係興奮啦,咁難先約到個女仔」。翌日,他即應約到美容院做療程。當日是他人生第一次踏入美容院,Coco親手幫他做facial及針清,「身體接觸嘛,話晒有個女仔幫我清潔嘛……都有啲(戀愛)感覺。」他前後購買了20多次療程,共付約4萬元。

「表弟」充當軍師教表白

他發現自己愛上Coco,之後又在美容院認識了Coco表弟阿杰,阿杰便成為他的「軍師」,教他如何追求Coco和氹她開心,「(阿杰)俾意見,點樣俾驚喜佢(Coco)……教我點氹佢法,佢安排囉啲嘢都係,地點啦,甚至講咩,點同佢講,表白都係佢揸主意,佢教我點樣講。」

前年11月尾,阿杰教他預訂尖沙咀W酒店自助晚餐,用餐後,阿勇便主動向Coco表白,當時阿杰都在場,「特登整多咗個朱古力甜品,上面寫咗『Coco,一百日紀念日』,食完同佢話做我女朋友咁囉,跟住佢點頭。」當晚阿勇提出想拖手,可是Coco竟反對,吃完飯後他便跟Coco分開。

電話通過四次 見面少於十次

可是,至今一年零八個月的拍拖生活中,他跟Coco見面不超過十次,阿勇稱:「佢成日都話屋企人同事業為先,未必抽到時間(見我)……咁耐都係聽咗三、四次電話,佢唔鍾意聽電話,同埋佢工作地方唔方便聽。」而且幾乎每次約會,阿杰都在場,「得佢表弟得閒佢先出嚟食飯,可能佢都想多啲人食飯掛,熱鬧啲。」

事實上,阿勇與Coco絕大部分時間,只是透過WhatsApp交流,Coco有時甚至兩、三星期才應機。二人之間的甜言蜜語不多,但阿勇覺得Coco有時關心他「你返咗工未呀」、「加油、努力、返工俾心機」,已令他覺得窩心。不過他坦言:「好難見,好似嫦娥咁囉」,令他感無奈。他曾多次埋怨,Coco則回覆:「你唔好怨我咁多,你都幾好,我都視你為結婚對象。」

親人:我真係好想阿勇清醒

當局者迷,其中一名親人KC表示,Coco根本當阿勇是「提款機」,除了一開始的4萬元美容費,又曾因激嬲Coco,要付12萬元箍煲費。親人看在眼裡,這一年多以來都非常擔心阿勇的處境,「鬧又鬧過,講又講過,都無計可施」,他們希望揭開Coco真面目,曾自行跟蹤,但因Coco跟勇見面太少,最終無功而還。

月入1.3萬元的阿勇,平日只是在家附近上班,家人指他沒朋友,多在家中吃飯,連八達通增值的錢,亦由家人負責,基本上極少開支。本來沒信用卡他,拍拖不久又申請了一張個人信用卡交給Coco使用,現時每月為她付約一萬元卡數,「係咁不斷咁碌卡,要個男仔用畢生積蓄係咁不斷幫妳找卡數,係咁畀錢個女仔使……(阿勇)又唔知人哋住邊,剩係話住黃大仙,又唔知邊度返工……我真係好想阿勇清醒,感覺上佢好似,一來畀人呃,二來佢好似沉迷咗落去,唔知自己個方向,好似好迷失。」KC怒道。

「佢用到我啲戶口冇晒喇」

對於家人的質疑,阿勇仍表示「十五、十六」,「可能會誤會,或者佢真係對我真心呢。」不過阿勇亦坦言對Coco付出了很多,除了關懷與愛,還包括金錢,「未識佢之前(戶口)咪有30萬囉!依家我每個月都俾成萬幾蚊佢,成份糧俾佢,一年十幾萬嘛,即係廿萬,可能俾咗50萬俾佢囉……(都覺得)肉赤,自己啲錢嚟,咁辛苦搵返嚟。」

Coco無數次對錢的要求,阿勇只曾一次沒幫她找數,因該月她購物2萬多元,令他入不敷支,「本來我冇咁多(錢)嘛……佢用到我啲戶口冇晒喇,佢就搵第二個幫佢入囉。」現時阿勇只剩約3千元現金及戶口只有約6千元積蓄,總共不足1萬元。

阿勇坦言,用金錢維繫的愛情並不會長久。問到Coco對他付出了什麼?他稱對方只曾於去年他的生日,惟一一次出過300元請他食飯,表弟阿杰也在場。阿勇稱:「我幫佢買嘢之後,佢都會讚返我『好好』」,繼續付出,全因為「我愛佢囉。」

你敢爆,我敢獎!即Call《蘋果》24小時爆相爆片熱線:63836568

(圖左)阿勇(中)本月難得跟女友Coco(左)約會,但Coco卻全程跟他保持距離。右為表弟阿杰。根據Coco與阿勇對話截圖顯示,Coco認為現時不拖手的男女朋友關係正常,若阿勇要求改變,就跟要得到女人肉體的「衰人」無分別。(受訪者提供) 阿勇曾向Coco表示,她對寵物比對身為男朋友的自己更好,Coco回應:「好出奇咩」。 阿勇曾向Coco表示,她對寵物比對身為男朋友的自己更好,Coco回應:「好出奇咩」。
親戚KC由Coco(右)使用阿勇的信用卡簽賬得知,Coco每月均會到尖沙咀一間診所看牙醫,曾經親自跟蹤Coco,希望查出她更多資料,但最終失敗而回。受訪者提供圖片

親戚KC由Coco(右)使用阿勇的信用卡簽賬得知,Coco每月均會到尖沙咀一間診所看牙醫,曾經親自跟蹤Coco,希望查出她更多資料,但最終失敗而回。受訪者提供圖片
Coco跟阿勇拍拖近兩年,惟一直鮮有露面。

Coco跟阿勇拍拖近兩年,惟一直鮮有露面。

鍾意就快D Share啦!