掃呢頁CODE去手機

2018年7月2日 星期一

容祖兒:2億豪宅揸手!容祖兒自爆零用錢少到你唔信 __,祖兒,容祖兒,

祖兒原來一啲都唔密實。剛從日本度假回來的天后容祖兒晚上出席活動,雖然身穿密實桃紅色BlingBling外套,但都遮蓋不住入面的低胸連身褲,若隱若現好吸 ...


祖兒原來一啲都唔密實。


剛從日本度假回來的天后容祖兒晚上出席活動,雖然身穿密實桃紅色Bling Bling外套,但都遮蓋不住入面的低胸連身褲,若隱若現好吸睛!提到之前以2億購入淺水灣豪宅,她即笑住話不回應:「如果你有機會見到我媽就問佢啦,唔關我事㗎。(知唔知有幾多樓揸手?)我只係負責前線得個做字,佢就負責享受生活。(依家係大富婆喎!)就算係都係佢,我依家都係出幾千蚊零用錢咋,同埋我有強積金嘛,哈哈,我老闆好唔錯!」

睇玉置浩二取經

談到日本之旅,她說:「都係逗留咗幾日,去睇玉置浩二演唱會,好開心,嗰場館唔大,但就配合埋管弦樂,我哋呢一代人個個都視佢為神級歌手,知道佢開騷都即刻清假睇,加上嚟緊下年自己都有機會開騷,依家都會睇多啲騷取經。」

冇體力開20場演唱會

講到明年便是出道20周年,她透露正計劃開20周年演唱會,更已成功攞期:「真係話都冇咁快。(會想開20場?)未試過,上次都係開15場,體力要磨練,上次唔小心病咗,今次要克服陰影,要以健康狀態之下完成,係最大挑戰。20場想都唔敢想,如果想打破就一係16場囉,好冇大志呀,哈哈!」問是否想生日開騷?她說:「可以同成班Fans慶祝,之前只係試過倒數過年,依家雖然有期,但批咗嗰啲唔係咁想要,會再搵期入紙申請。」

---------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!