掃呢頁CODE去手機

2018年7月20日 星期五

寫真戰2018:自爆有親激嬲李嘉欣?楊思琦:我哋好少見 __,嘉欣,李嘉,寫真,李嘉欣,思琦,楊思琦,鍾嘉欣,

楊思琦(右)拒絕再講同李嘉欣嘅親戚關係。踏入40歲前「最後一擊」推出處女寫真集的藝人楊思琦,今日帶同6歲愛女楊卓穎到新城電台宣傳寫真集。受訪時,思琦開 ...


楊思琦(右)拒絕再講同李嘉欣嘅親戚關係。


踏入40歲前「最後一擊」推出處女寫真集的藝人楊思琦,今日帶同6歲愛女楊卓穎到新城電台宣傳寫真集。受訪時,思琦開心指有銷售點於短短兩日就已經售罄新書,不過她就不清楚確實銷售數字。問到可有加印計劃?她表示一切都要留待出版社決定:「佢哋都好似商量緊,唔肯定。(你想唔想加印?)如果大家咁支持都好呀,都贊成嘅!」

問到出書後有否留意評價?思琦話首日賣書時,在場的Fans都大讚「好靚」:「聽到佢哋咁講都開心。(信心大增?好似打低晒其他出書嘅小妹妹喎。)唔係…開心在原來身邊有咁多人支持,整體嚟講好感謝,冇諗過咁快賣晒。」講到書中「彩蛋」自爆與大美人李嘉欣有親戚關係,思琦聞言笑着拒再回應,然後再次重申因為出版社想她「爆料」而寫:「自己一路嘅透明度都好高,大家都好似我肚裏面條蟲乜都知,呢樣嘢對我唔係秘密,但對大家嚟講係。」問到出書後有同李嘉欣聯絡?她表示兩人私下都好少見面。問到可會激嬲對方?她笑笑口話:「唔猜測」

問到今後可會考慮再推出尺度更大的寫真集?思琦打趣話:「(尺度)唔會再大,健康為主,影啲健康靚相,大家都知我唔係呢個路線。今次係新嘗試,留住青春!」她又講到女兒都是剛剛在前往電台的途中才認真看完整本寫真,問到愛女可有大讚?此時,卓穎雙手舉起手指公力撐媽媽。


來源 source: http://hk.on.cc
鍾意就快D Share啦!