掃呢頁CODE去手機

2018年7月25日 星期三

【29+7】情路坎坷終有著落? 胡定欣張振朗疑暗撻姐弟戀 __,定欣,張振朗,胡定欣,

(資料圖片)
36歲大台視后胡定欣情路坎坷,入行16年先後與吳浩康、馬國明、沈栢淳、音樂人陳明道(Terry)拍拖,可惜每段情都敵不過3年魔咒,前年定欣同Terry ...


36歲大台視后胡定欣情路坎坷,入行16年先後與吳浩康、馬國明、沈栢淳、音樂人陳明道(Terry)拍拖,可惜每段情都敵不過3年魔咒,前年定欣同Terry分手後,與陳展鵬拍劇傳擦出愛火花,但最後卻跑出真命天女單文柔,感情空虛嘅定欣惟有寄情工作,正當大家都以為佢冇拖拍,有讀者爆料定欣同備受大台力捧嘅張振朗(Owen)疑暗撻姐弟戀!

去年憑劇集《踩過界》上位嘅張振朗,現備受大台力捧,今年接拍新劇《包青天再起風雲》同定欣合作,3月兩人與同劇藝員姚子羚、曹永廉等到橫店及新彊拍外景,朝夕相對兩個月,疑似日久生情!上個禮拜五係張振朗31歲牛一,佢喺社交網晒「展昭」造型生日蛋糕相,捧着蛋糕興奮留言:「佢個頭比我更堅挺」有眼利網民踢爆:「呢個蛋糕牌子係定欣鍾意,而且年年生日都用,係佢送的?」

讀者就認得呢個「展昭」蛋糕,係定欣嘅蛋糕設計師好友Jimmy設計,每年定欣生日,Jimmy都會整蛋糕恭賀,估計之前張振朗跟Jimmy應該唔識,生日蛋糕好大機會係定欣送嘅。讀者仲提供咗兩人嘅ig限時動態cap圖,發現佢哋在橫店拍劇時,相約一齊出去逛街。而早排定欣做舞台劇《偶然‧徐志摩》,張振朗都有現身捧場,甚至今年6月單立文喺紅館為「搖滾大俠奏」開騷,張振朗都跟埋「胡說八道會」嘅定欣、胡杏兒、豹嫂胡蓓蔚齊齊睇騷,仲入埋後台影大合照㖭。讀者質疑:「奇怪係Owen同豹哥唔熟,為何會埋咗佢哋堆?」

被受大台力捧嘅張振朗,曾與藝員訓練班同學陳芷尤拍拖,惟今年4月兩人各自在網上宣佈分手,強調當中不涉第三者。

對於與胡定欣傳緋聞,張振朗接受傳媒訪問時表示:「我都一頭霧水。」定欣送蛋糕?佢話:「No~~我屋企人送嫁。」介唔介意姊弟戀?「講真,事業為先啦,其他嘢唔諗住,工作排到出年9月。」

精選娛聞,喺晒《娛果》

http://fb.com/appledailyent

(資料圖片) 36歲大台視后胡定欣情路坎坷(資料圖片) 36歲大台視后胡定欣情路坎坷(資料圖片)
去年憑劇集《踩過界》上位嘅張振朗,現備受大台力捧(資料圖片)

去年憑劇集《踩過界》上位嘅張振朗,現備受大台力捧(資料圖片)
有讀者爆料定欣同備受大台力捧嘅張振朗疑暗撻姐弟戀!(IG圖片)

有讀者爆料定欣同備受大台力捧嘅張振朗疑暗撻姐弟戀!(IG圖片)
張振朗喺社交網晒「展昭」造型生日蛋糕相(IG圖片)

張振朗喺社交網晒「展昭」造型生日蛋糕相(IG圖片)
讀者就認得呢個「展昭」蛋糕,係定欣嘅蛋糕設計師好友Jimmy設計(IG圖片)

讀者就認得呢個「展昭」蛋糕,係定欣嘅蛋糕設計師好友Jimmy設計(IG圖片)
單立文喺紅館為「搖滾大俠奏」開騷,張振朗都跟埋「胡說八道會」睇騷(IG圖片)

單立文喺紅館為「搖滾大俠奏」開騷,張振朗都跟埋「胡說八道會」睇騷(IG圖片)
張振朗曾與藝員訓練班同學陳芷尤拍拖,惟今年4月兩人各自在網上宣布分手(資料圖片)

張振朗曾與藝員訓練班同學陳芷尤拍拖,惟今年4月兩人各自在網上宣布分手(資料圖片)

鍾意就快D Share啦!