掃呢頁CODE去手機

2018年7月22日 星期日

收3億人仔上內地綜藝節目 王菲又跳又唱流眼淚 __,王菲,

王菲之前傳佢收8千萬人仔,上內地湖南衛視音樂綜藝節目《幻樂之城》,酬金更被指打破晒其他藝人上綜藝節目,其後更有內地報導指佢收3億人仔才真,當時經理人陳 ...


王菲之前傳佢收8千萬人仔,上內地湖南衛視音樂綜藝節目《幻樂之城》,酬金更被指打破晒其他藝人上綜藝節目,其後更有內地報導指佢收3億人仔才真,當時經理人陳家瑛對於阿菲接呢個job,就回應「在洽談中。」

節目前晚終於出街,佢就以體驗官身份,好似拍MV上身,襯返佢首飲歌《夢中人》,阿菲穿梭搭建場景出場,打扮一貫型格,穿梭鏡頭又唱又跳,唱足3分鐘出場。平時惜字如金嘅阿菲,之前復出開個唱都係「冇嘢講」,噚晚喺節目中都同主持人何炅有互動,兩人先係節目中對話「我整個人在抖耶」、「我也在抖」,然後王菲表示邀請了黃渤上節目,而何炅問到黃渤點解會被阿菲邀請,阿菲露出笑容搶答「他有空」。黃渤就開口答:「王菲是我的偶像,因為她是許多偶像的偶像。」隨後阿菲見到黃渤同主持人何炅chit chat,佢就忍不住再開聲:「你們倆開始說相聲了。」

前晚做第一集嘉賓就有黃曉明、同內地17歲藝人易烊千璽,黃曉明就著住西裝淋雨唱歌,唱到喊大騷演技,更賣口乖同阿菲講,鍾意聽佢囡囡竇靖童嘅歌,不過阿菲就對易烊千璽同老婆婆嘅親情戲有興趣,更睇到哭,無錯,係王菲哭了,真係好難睇到呢一幕,雖然內地真人騷、綜藝節目都好興有催淚呢類情節,估唔到平時cool爆嘅阿菲都有呢一幕,佢就讚對方:「這孩子太會演了。」




鍾意就快D Share啦!