深宮計大收，內地點擊已經破30億，太子馬浚偉、宮女黃心穎、「何離」蕭正楠即刻找數。依家連64歲嘅「章尚宮」心姐，都做找數女漢子。佢呢個找數水著look，簡直將深宮計尾聲推向高潮。
唔找唔知身材好，過六張嘅嘅心姐，副「計」竟然越老越火辣，繼續應大則大，應幼則幼，力壓班四司。不過喺劇入面，佢卻禾稈冚珍珠，佢就咁講:「我最記得監製小青姐講，佢哋個個都咁，她就話:『心姐，不如咁樣好唔好？』即係唔好太低，呢啲當然留番俾四司」
Keep住副好body，唔係單靠食天賦老本，用咗廿年時間苦心經營。心姐Keep住做gym二十年咁耐，佢話為咗唔要有鬼祟肉同胃腩，寧願辛苦吃力，keep住恆心狂操。
老來一樣索，心姐後悔年輕時，無膽參選港姐。「嗰時有唔少朋友叫我去選港姐，當時我只是廿一歲左右嘅年紀，但我覺得自己唔掂，成日嫌自己雙腿太幼，加埋知道要著泳衣，就更加唔得，我覺得對腳太幼唔好睇，呢個就係我唔肯去選嘅理由，點知依家個個都讚我對腳夠幼。
如果回帶返轉頭，我就唔會咁傻，不會顧慮咁多，選咗先算。其實無論點樣，都應該俾自己多啲正能量同信心，點都試下又何妨，年輕人應該要有呢種衝勁，唔好樣樣事先話唔得，盡力去做咪得囉！」
立即按此連結下載APP：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|