網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月18日 星期三

【睇《BB來了》鼻都酸埋】婆媳糾紛之外 盧宛茵演出老母的孤苦寂寞 __,BB來了,盧宛茵,

盧宛茵做野蠻奶奶,同新抱Ali或者親家陳秀珠對著幹,搞到家嘈屋閉固之然好睇。不過,佢嘅身份係奶奶,同時亦係媽媽。除咗負責強調婆媳糾紛,亦話俾大家聽,特 ...




盧宛茵做野蠻奶奶,同新抱Ali或者親家陳秀珠對著幹,搞到家嘈屋閉固之然好睇。不過,佢嘅身份係奶奶,同時亦係媽媽。除咗負責強調婆媳糾紛,亦話俾大家聽,特別係做仔女嘅,多啲關心一下年老嘅長輩,其實佢哋好寂寞、好需要關心同愛架。

睇《BB來了》,Madam盧絕對係錦上添花、畫龍點睛嘅存在。不過原來Madam盧奶奶呢個角色,除咗負責「鬧劇」,亦肩負溫情教化重任。事關喺第6集入面,睇得出Madam盧其實好易氹、好易教。平時不可一世、高高在上嘅西太后嘴臉,只係無人教又無人提而養成嘅闊太習性,並唔係有惡意,只要好似陪月員阿妙(楊卓娜飾)咁適當引導下佢、指點下佢,佢就會乖乖聽話改善。其實大家家中長輩都係咁,好似好㒼塞好多陋習講唔聽,但係大家又有無嘗試俾耐性去傾去講呢?

另外,好多長輩同Madam盧一樣,表面睇落精神無事,鬧起人上嚟更中氣十足,又不時約埋啲三姑六婆飲茶講是非,但私底下其實又凍又寂寞。尤其係老伴唔喺身邊,仔女大晒有自己生活,就算返到屋企都鎖門匿喺房。嗰種叫天不聞嘅感覺,真係睇見都鼻酸。之後仲有Madam盧睇返兩個仔細個啲錄影帶呢一幕,應該睇喊唔少觀眾,亦會令唔少為人子女嘅反思。

不得不讚新監製廖晉碩,《BB來了》雖然係小本製作,但由劇本到選角都相當出色、吸引,而且貼地,起碼啲角色係平民公屋戶就真係有返間公屋樣俾觀眾睇,唔再係人人住大屋。難怪首集收視有29.3點,成為截至現時為止,本年度第一集最高收視嘅劇集。

請參與壹週刊大獎賞活動!有機會贏取郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!

即按:http://bit.ly/Appinstall18

立即按此連結下載APP:http://bit.ly/next28app

大仔葉致遠(徐榮飾)成日匿喺房。

盧宛茵邊拍門邊講:「出嚟飲湯啦,我整返熱架喇。日日匿喺房,半句嘢都唔同阿媽講。」

當夜重看兒子小時候的錄影帶,邊看邊哭。


鍾意就快D Share啦!