2018年7月13日 星期五

《BB來了》李佳芯加入「媽媽谷」老公黎諾懿聞之色變? __,李佳芯,黎諾懿,

BB來了
《BB來了》李佳芯加入「媽媽谷」老公黎諾懿聞之色變?無綫新劇《》唔似得《深宮計》般角色超多、劇力萬鈞,不過勝在情節夠貼地,尤其媽媽們睇到勁有共鳴!日前 ...


《BB來了》李佳芯加入「媽媽谷」老公黎諾懿聞之色變?



無綫新劇《》唔似得《深宮計》般角色超多、劇力萬鈞,不過勝在情節夠貼地,尤其媽媽們睇到勁有共鳴!日前一集講到新手媽媽(Ali) 被邀請加入「媽媽谷」,媽媽觀眾睇到即刻笑出聲,男觀眾就覺得簡直有如「邪教」呀!

撰文:東方新地|圖片:TVB截圖





《BB來了》前文提要:

|李佳芯演女強人

《BB來了》中李佳芯(Ali)飾演一位名牌買手,平日食好著好兼經常出入高級場所,加上備受公司重用,故準備到巴黎受訓一年後,就可以平步青雲晉身管理層。

李佳芯



但點都諗唔到,當事業正值高峰期卻意外懷孕,並因為一個小生命的來臨,而需放棄一直所追求的一切,Ali在面對生理同心理極大轉變上,完美演繹出女強人忽然做媽媽忐忑不安心情!



完美演繹新手媽咪感受

李佳芯不禁向老公表現出對未知的將來感到害怕,並直言:「你知道我犧牲了多少嗎?你知道一個女人懷孕代表什麼嗎?係事業、身材、樣貌各方面即時All in!」



相信這幕必定係唔少新手準媽咪的心聲!

 



李佳芯呢場戲演得入木三分、七情上面,喊哂口同老公講好怕要做媽媽,未為人父母的小編都睇到眼濕濕…



|李佳芯加入「媽媽谷」

日前《BB來了》講到,Ali同黎諾懿於街頭被一位產前班的媽媽同學截住,自拍一番後更邀請佢哋加入「媽媽谷」!可能睇到呢度,唔少媽媽觀眾都會心微笑,開電話數數自己入咗幾多個!

BB來了

老公聽到的反應…


「媽媽谷」即媽媽Group

其實大家都應該知道,所謂「媽媽谷」即係媽媽Group,一班孕婦或者產後媽媽於唔同社交平台成立群組,認識同路人,就如Ali所講:「有跟地區有按生B月份,可以交流生B同湊B心得,仲有定期聚會﹗」



黎諾懿聽到老婆要加入媽媽谷,可能同現實中唔少男士的反應一樣,就係一臉嫌棄咁拒絕,唔少網民都笑說老公覺得呢啲Group好似邪教一樣!

BB來了

老婆同老公的反應形成強烈對比…


老公大開眼界

雖然小編未結婚,不過都大概估到呢啲媽媽谷聚會的情況,都係一眾大肚婆圍威喂,交流生B同湊B心得,令作為場內唯一男士的黎諾懿眼界大開!



大家都係同路人,無所不談,呢位大肚婆就提到自己懷孕時完全無性生活,老公已經九個月冇掂過自己咁話!



BB來了

黎諾懿就聽到O晒嘴,乜啲媽媽咁開放㗎咩…


記得睇「港媽王國」

之後有大肚婆話記住每日瀏覽「港媽王國」(現實中好似有個叫… ),其實現實有唔少媽媽谷都會爭取團購優惠,買尿片、奶粉、靚靚BB衫等都可以有折扣,做個精明靚媽!另外又有一班同路人作照應,懷孕期間的種種問題都有人一齊討論!



「62」「99」「C6」?

媽媽谷聚去到尾聲,大家都齊齊講啲激勵說話,除了祝大家陀B順利之餘,最重要係唔好俾「62」、「99」同埋「C6」欺負!講緊咩呀?



原來呢啲都係媽媽谷術語,「62」代表老爺、「99」代表奶奶,至於「C6」… 即係個死佬呀!



BB來了

無啦啦被全場人指住叫「死佬」,黎諾懿除咗一笑置之仲可以點…


老公心底話

返到屋企後,黎諾懿都忍唔住要講出心底話,表示媽媽谷就有如一班師奶自暴自棄、講是講非…



又話一班師奶愛FF愛自High,物以類眾,好擔心老婆由高學歷氣質港女淪落成港媽!睇到呢度,男士們女士們係咪都好有共鳴?

鍾意就快D Share啦!
Related Posts Plugin for WordPress, Blogger...