網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月17日 星期二

譚詠麟金句爆笑講乜中乜! __,譚詠麟,

敵進我退,敵退我進!<br>阿倫玩自拍,傑斯即配合「直豎拇指」。
譚詠麟金句爆笑講乜中乜!世界盃法國對克羅地亞冠軍賽前晚舉行,樂壇校長譚詠麟(阿倫)親自出征到俄羅斯為ViuTV作客席評述,結果收視報捷,吸引約174萬 ...


譚詠麟金句爆笑講乜中乜!

世界盃法國對克羅地亞冠軍賽前晚舉行,樂壇校長譚詠麟(阿倫)親自出征到俄羅斯為ViuTV作客席評述,結果收視報捷,吸引約174萬觀眾收看,同時全城網民洗版式狂Loop其講波金句,有讚有彈,封他為新一代金句王!面對正反兩極反應,真金不怕洪爐火,他直言:「我講任何一樣嘢都中晒。」

擔任客席評述的阿倫助陣ViuTV,前晚直擊全球注目的世界盃決賽法國大戰克羅地亞。ViuTV昨日公布世界盃賽事收視,指免費電視平台累積觀眾人數超過400萬,前晚決賽最高收視更達26.6點(約174萬人次),平均收視有24.4點(約160萬人次)。

傑斯背後「加持」

遠赴俄羅斯的阿倫與「招積」曾偉忠實地評述,未有怯場的他,可能因有偶像曼聯名宿傑斯在背後「加持」及直豎拇指下,他頻頻爆出金句。在他「助攻」下不但收視報捷,同時更引起全城網民熱議,指他以業餘水準來說已算不錯外,更輯錄其評波「金句」,封他為新一代金句王,指他可向黎明挑機。有讚當然有彈,亦有人批評他講廢話!

昨日社交網瘋傳阿倫的金句包括「球員打呢啲大賽真係要好冷靜」、「禁區左上角啲草短啲,球員好容易跣低」等,有網民為他平反,指足球評述員「桂神」黃興桂的廢話更多,列舉其三大講波經典廢話「十二碼一係入,一係唔入」、「加利仔有三樣嘢唔好,唔夠快、跑得慢、冇速度」及「碧咸係一個得一隻右腳嘅球員」,網民又讚阿倫夠眼光,貼中法國捧盃。

阿倫(左起)、「招積」曾偉忠及強尼一齊講波。
  • 阿倫(左起)、「招積」曾偉忠及強尼一齊講波。
加利仔唔夠快、跑得慢、冇速度!<br>黃興桂有接班人喇!

  • 加利仔唔夠快、跑得慢、冇速度!

    黃興桂有接班人喇!
何猷啟與未婚妻GiGi。

  • 何猷啟與未婚妻GiGi。

面對網友評論,阿倫越洋向本報表示事前已閱讀大批相關資料:「我所講任何一樣嘢都中晒啦,我話佢手球就手球喇!之前都好好笑,啲人講有先兆,支持克羅地亞慶祝,除晒衫喺度狂歡,已經講決定性喺個手球度,好多細微嘢都講咗出嚟,即係可能係有人認為我唔夠中肯,只係支持法國,但我兩邊都有睇。當然法國隊我一早已經預測咗會贏,法國同比利時,但佢哋兩隊喺埋一條線冇得講嘅,始終會淘汰一隊,咁冇得講,年輕力壯都會係咁。」

他又評論克羅地亞球員表現:「最好笑係上一場嗰個文迪蘇傑,佢係絕殺英格蘭,到今次佢又變咗擺烏龍,另一個追埋平手嗰個比列錫,亦都變為手球,仲變咗決定影響全場波嗰球,所以好多嘢,冥冥中有主宰。」問到如何慶祝法國奪冠?他說:「冇喎,我哋散場時遇傾盆大雨,各有各田雞過河,我來回跑六、七次周圍搵人,返到去已經要浸熱水,浸番醒個人。」

孫耀威及陳美詩於球場放閃。

  • 孫耀威及陳美詩於球場放閃。
祖兒中場休息,霆鋒搞笑地露出鄙視眼神。

  • 祖兒中場休息,霆鋒搞笑地露出鄙視眼神。
謝霆鋒

  • 謝霆鋒

祖兒瞓覺 霆鋒藐爆

另邊廂,天后容祖兒與英皇集團老闆楊受成、蔡卓妍(阿Sa)及謝霆鋒同樣在俄羅斯睇比賽,怎料支持法國的祖兒被霆鋒「出賣」,將她睇波期間睡覺的片段擺上網,更用鄙視眼神表示:「當然世界盃也不是每個人都喜歡的」祖兒即時反擊,聲稱只是與球員一樣中場休息15分鐘,及後與阿Sa化身「講波妹」,力證有欣賞賽事。同場亦有賭王三房兒子何猷啟與未婚妻GiGi、陳伶俐與老公及孫耀威夫婦,齊齊在社交網放閃,拍住拖睇世界盃。






鍾意就快D Share啦!


Related Posts Plugin for WordPress, Blogger...