2018年7月29日 星期日

【動畫】逆流大叔=港人危機 鎮宇拍港片一齊撐 __,鎮宇,吳鎮宇,

■鎮宇希望港人坐埋同一條船,雖然可能來自不同階層,但同舟共濟,一齊撐下去。攝影:沈健程
■鎮宇希望港人坐埋同一條船,雖然可能來自不同階層,但同舟共濟,一齊撐下去。攝影:沈健程【《蘋果》專訪】近年不少港產片都有濃厚的本土氣息,周四上映、由吳 ...


【《蘋果》專訪】近年不少港產片都有濃厚的本土氣息,周四上映、由吳鎮宇主演的電影《逆流大叔》講述一班中年打工仔為保工作賽龍舟,故事亦甚具香港情懷。吳鎮宇早前與導演陳詠燊接受本報專訪,鎮宇力撐本土電影:「冇本土電影就唔會有我。」他直言電影反映香港危機,希望香港人可以同舟共濟︰「大家坐埋同一條船,點都好要撐落去!」

電影《逆流大叔》由吳鎮宇、潘燦良、黃德斌及胡子彤主演,以賽龍舟作主題,在沙田城門河拍攝,城門河賽龍舟是不少港人每年端午節都會見到的場境。日前主角吳鎮宇與導演陳詠燊於尖沙嘴接受《蘋果》專訪,問到陳詠燊為何找鎮宇演出?他說:「鎮宇一向好支持本土電影,當我哋知道鎮宇有機會幫手,就即刻搵監製畀劇本佢睇,佢睇完後就一口答應。」鎮宇說:「冇本土電影就唔會有我,而且呢幾年湧現咗好多新導演,想試吓合作。」鎮宇又稱自己多年來演過好多角色性格深沉陰暗的題材:「當見到有《點五步》同《狂舞派》呢啲咁熱血嘅勵志電影,自己都好有興趣,於是接咗呢套中年勵志片。」他強調為保留電影逼真性,事前故意白紙一張落場︰「因為劇情係講我哋由唔識開始,我想保留嗰種笨笨實實嘅感覺,點知自己真係太笨實,開頭以為拍兩粒鐘,點知第一日喺啲肌肉冇記憶下,已經拍咗十幾個鐘,攰到講唔出聲。」



■導演陳詠燊(左)大讚鎮宇等演員非常專業。 ■導演陳詠燊(左)大讚鎮宇等演員非常專業。
■《逆流大叔》是首部以扒龍舟作主題的電影,在拍攝技術上亦甚多難關。

■《逆流大叔》是首部以扒龍舟作主題的電影,在拍攝技術上亦甚多難關。

再度感受「捱」

鎮宇形容電影是大家捱出來的:「我好耐冇經歷過捱嘅感覺,呢種感覺雖然係好耐冇經歷,但其實又好習慣,會令你記起以前都係咁捱。」除了捱,他更指拍到回春︰「連續十幾個鐘日曬雨淋,呢頭出太陽,轉頭落雨,跟住又出太陽,個人乾完又濕,你諗吓幾耐冇試過畀雨淋,好似𡃁仔。以前細個落街打籃球,落雨都會繼續打嗰種癲狂,真係回春。」

電影中,鎮宇飾演有中年危機的打工仔,他指亦反映香港危機︰「因為香港風華正茂咁耐,𠵱家好似洗盡鉛華,我覺得似香港有中年危機多啲,好多人怨氣重,例如『點解我會咁?』、『點解我要喺呢間公司?』十個人入面,有六、七個都喺度怨,真係有好多負能量。唔通你仲睇《英雄本色》咩?《英雄本色》係我哋最好嘅年代,再畀你睇冇用㗎,唔好講番以前。」



■周潤發演的《英雄本色》是香港最好的年代,但鎮宇表示不能一直再講從前。劇照

■周潤發演的《英雄本色》是香港最好的年代,但鎮宇表示不能一直再講從前。劇照
■鎮宇看完《狂舞派》等熱血電影後,希望能拍一部中年勵志片。劇照

■鎮宇看完《狂舞派》等熱血電影後,希望能拍一部中年勵志片。劇照

猶如社會縮影

鎮宇說電影有深層意義︰「大家坐埋同一條船,點都好要撐落去。」感受最深的是一條龍舟二十人,來自不同階層,就如社會縮影︰「一個住半山,後面可能住慈雲山,不論你坐巴士或者揸車,總之落得嚟,大家都要出力撐。」

陳詠燊是土生土長香港人,他覺得仍然有很多獨特的文化可以發揮:「龍舟係一樣充滿香港特色又獨特嘅產物,首先龍舟係我哋獨有,扒龍舟更要一班人團結先可以做到。呢個題材冇人拍過,冇得參考,每次拍都要準備三隻船,當你擺好機位,第二隻已經漂走咗,相當花時間。」

採訪:曹家誠

化妝:Kargo Leung

髮型:Joe Kwong

服裝提供:DEGAIA

場地提供:馬哥孛羅香港酒店




鍾意就快D Share啦!
Related Posts Plugin for WordPress, Blogger...