掃呢頁CODE去手機

2018年7月7日 星期六

劉心悠貼露底照找數 馬明:露底?未睇㖭 __,馬明,劉心悠,心悠,馬國明,

合拍劇《宮心計2深宮計》好快就播完,前晚大台喺將軍澳舉行慶功宴,一班演員馬國明、劉心悠、蕭正楠、陳煒、謝雪心、羅霖等人都有出席。馬國明話佢本來開緊第二 ...


合拍劇《宮心計2深宮計》好快就播完,前晚大台喺將軍澳舉行慶功宴,一班演員馬國明、劉心悠、蕭正楠、陳煒、謝雪心、羅霖等人都有出席。馬國明話佢本來開緊第二個劇,只係趁食飯時間出嚟,佢同心悠一齊接受傳媒訪問。

劇中多位演員之前分別應承大家,話收視破30億時會晒床照、泳衣、BB裸照咁,心穎BB日前已經「找數」,貼咗張性感泳裝照,而蕭正楠都有貼裸照,不過只係將自己細個嘅相,Key去一副健碩Body度。馬國明前晚話:「我一定會找數,自己唔會呃,堅係童年裸照,冇做過任何手腳!」

至於心悠都話自己找咗數,仲話張相係人生最低胸一張,身邊馬國明即刻搭嘴:「咁再高啲(收視)就要再低啲喎!」心悠就反駁話心穎已經貼咗相,唔再重複,點知馬國明咬住佢唔放:「咁佢post同你post又唔同!」之後心悠話:「係人生最低同最短,露底喎!」馬國明即刻好大反應,兼好抵死咁話:「露底?未睇㖭!」




鍾意就快D Share啦!