熱爆娛樂: 【加國擺酒】婚禮交晒俾陳凱琳話事鄭嘉穎媽媽終於等到個仔結婚 _

2018年7月26日星期四

【加國擺酒】婚禮交晒俾陳凱琳話事鄭嘉穎媽媽終於等到個仔結婚 __,嘉穎,陳凱琳,凱琳,鄭嘉穎,

自從鄭嘉穎同拍拖3年嘅陳凱琳（Grace）爆出雙喜臨門，下個月12號會喺峇里舉行婚禮後，外界都好高度關注呢件事，佢哋回覆傳媒嘅時候，只係話：「有消息再通知大家！」（新聞連結：https://bit.ly/2LD5q0G）

嘉穎身邊嘅好友好似馬國明、唐詩詠異口同聲話等通知，樂易玲噚晚出席活動，就話Grace已經同公司請咗假，初初以為係同嘉穎慶祝生日，不過o依家睇嚟唔知係結婚定慶祝生日！佢仲話近排都有見過Grace，但係唔覺佢有BB！(新聞連結：https://bit.ly/2JXrNfp)

今日周刊報道，嘉穎一直心急想結婚，但係始終Grace年紀仲細，而且事業又係啱啱起步，所以將婚事一拖再拖，直到最近終於下定決心同女友求婚，本來佢哋打算低調婚事，只係通知啲親朋好友，點知最後都洩露咗風聲。報道仲話嘉穎將婚禮全部交俾Grace負責，o依家佢哋睇中咗峇里兩間酒店，一間係吳奇隆同劉詩詩行禮嘅Alila Villas Uluwatu，另一間係劉愷威楊冪結婚嘅Bvlgari Resort。

事有湊巧，Grace先後入住過呢兩個酒店，相信婚禮將會喺其中一間進行，之後仲會留低同嘉穎慶祝生日。報道仲話嘉穎媽媽最開心，終於等到個仔結婚，佢仲同啲親戚朋友講，到時佢哋唔會喺香港行禮，至於擺酒方面，Grace之前講過一定會返加拿大，嗰度除咗係成長嘅地方，仲有好多親人。

精選娛聞，喺晒《娛果》

http://fb.com/appledailyent

Grace今年去過Bvlgari Resort，唔知係咪趁住做嘢，順便視察吓場地呢？(ig截圖)	 舊年Grace同埋屋企人去咗Alila Villas Uluwatu旅行。(fb圖片)	 自從婚事曝光後，大家都好關注佢哋！(資料圖片)
 話晒係好兄弟，馬國明、唐詩詠同林子善等人都會出席。(資料圖片)