2018年7月1日 星期日

絕世好家姐 幫胞弟上車|張文慈出騷 細佬全家撐 __,張文慈,

張文慈
絕世好家姐幫胞弟上車|張文慈出騷細佬全家撐由亞視到電影圈再捱到入無綫,張文慈終於捱出頭,《宮心計2深宮計》一場苦情戲被網友大讚好演技。其實戲如人生,拍 ...


絕世好家姐 幫胞弟上車|張文慈出騷 細佬全家撐



由亞視到電影圈再捱到入無綫,張文慈終於捱出頭,《宮心計2深宮計》一場苦情戲被網友大讚好演技。其實戲如人生,拍戲為養家入宮又反被家人欺騙,現實生活中張文慈一樣係個好家姐,由老到幼孭起全家上身,唔同在細佬知恩圖報仲好錫家姐㖭!早前盛裝出席完商場宣傳活動,張文慈離場時浩浩蕩蕩好熱鬧,原來細佬帶埋老婆同囝囝一齊撐場,好溫馨!

撰文:東方新地|圖片:新傳媒圖片、、張文慈微博





張文慈出騷 細佬全家撐

早排被指擁有二千萬物業、係隱形富婆,張文慈都解畫,係多年來同細佬同住、直到細佬有家室,再加按物業買多層樓幫細佬上車咋!之前張文慈講過包起細佬婚宴嘅支出㖭,姊弟感情好到不得了,見到家姐人氣升,細佬實撐到底﹗

張文慈
日前張文慈出席宣傳劇集活動,就見到細佬帶埋老婆同囝囝一家三口齊齊去到支持家姐。原來正值父親節,一家人約埋張爸爸飲茶慶祝完再順手撐張文慈出騷。


錫細佬錫到燶,同弟媳一樣好感情,細佬負責抱仔上車,張文慈就細心幫弟媳收BB車。



同細佬同住多年、之前為細佬上車揹多層樓上身,呢個家姐唔話得,仲做埋司機車細佬全家出入。





原來宣傳活動正好在張爸爸居所附近,所以細佬全家出動,先陪完張爸爸慶祝父親節再陪絕世好家姐開工。



張文慈 被迷姦 遭雪藏 拍《強姦3》

張文慈早前接受電台節目《1圈圈 星光背後》訪問,就當年曾接受雜誌專訪揭露曾被「迷姦」哄動一時,卻令她被亞視雪藏,張文慈坦言不想多提,不想再被誤會想藉此作宣傳。她說:「其實已經不是我能不能說這件事,是近日又再被翻炒,我不想被人覺得我拿來造宣傳。當時我覺得自己好醜、很害怕、很不開心,那時真的不懂如何處理。公司藝員部可能誤會了我,這也很難怪他們,因為我自己都有責任,只怪自己笨。」



張文慈4歲時父母離異,由祖母一手撫育她與兩弟弟成長,她坦言家貧,入行也是為了肩負養家責任,但當年被雪藏,收入完全停頓,故無奈接拍了王晶的《強姦3》維持生計。她說:「那時年紀還小,沒安全感,只覺得如果我不拍,以後就不能拍。講真,『有頭髮,邊個想做癩痢?』拍攝時,真的一點都不開心。但我當時覺得,不拍就無路行。所以當時我覺得自己的人生很委曲,我真的行錯好多路!」之後,張文慈被冠以「三級女星」,她重申《強姦3》只是二級半電影,說:「我要澄清,我從沒拍過暴露的三級片!」



A post shared by (@pinkycheung930) on





2010年離開亞視北上發展,同年因為看見朋友轉變也成為基督徒,她自覺最大改變,是信仰給予她一向缺乏的愛與及找到生存價值。她說:「我有這麼大的改變是因為愛,從前的人生我感受不了愛,我覺得沒人疼愛我,我找不到活在這個世界的價值、找不到自己的生存意義。對我來說,基督教已經不是一個宗教信仰,是一個關係。我找到自己的價值,我發現原來我都能感覺到被愛。從前,包括身邊的朋友、男友、家人,我都感覺不到愛。每一個人都需要被愛,需要被肯定。」



張文慈更自揭,當年若不是為了親人,早已輕生。「我曾經想過不知為甚麼生存,但我有一個生存的理由,就是嫲嫲,是她養大我,所以我要養她報答她。我就是因為這個原因有了動力,要不是為親人,我死了九次!我真的有想過自殺,就是那段被雜誌報道後被雪藏的時間,有一天我坐在窗口,真的很想跳下去。」



A post shared by (@pinkycheung930) on





張文慈至今單身多年,她指或許因為從前演得壞女人角色多,過往吸引的追求者,多是壞男人。「或許是角色的關係,吸引很多壞男人,每個男人都以為我好嗲,其實我很男仔頭。入行以來拍過拖的男人,一隻手數得晒!信主之後,我也是單身,也被標籤『剩女』很久了,但我一點都不怕,一點都不擔心,因為我活得很精彩,最重要活得很開心。」



A post shared by (@pinkycheung930) on







2016年10月張文慈過檔無綫不久,應邀上咗《今日VIP》接受陳芷菁訪問,當芷菁問到「點睇自己嘅演藝事業?」張文慈即場落淚話: 「其實我入行都差唔多20年喇,由最初開始要做性感戲嗰陣時呢,其實我真係好抗拒o架!甚至乎呢我覺得……我記得有一部我係做壞女人,我嗰陣時嗰部戲係好收得但係我出街被人鬧,跟住我覺得啲人望住我呢,唔係鍾意我o架,佢哋係一定係『嗯,你一定係壞女人嚟o架』,即係我心裏面其實好矛盾好爭扎,但係當然啦,嗰陣時啱啱入行,我又未適應嗰個壓力,同埋好多嘢我唔知點面對,所以其實嗰陣時嘅我係唔開心。



「我咁多年浮浮沉沉,咩角色都做過,o依家對我嚟講呢,我會睇得好開囉,知道都係做演員唧其實,(索鼻)即係唔會再咁執着囉,有咩角色畀我做,我做到嘅都會做,即係我唔會介意係咩角色囉,但係我反而有少少係好希望人哋唔好誤會我囉,唔係因為我個角色做得出色,我係性感或者壞人,就代表我一定係壞人囉,我覺得好多人都係單憑我嘅角色嚟審判我(又開始哽咽),好似……啲人唔明白我囉。」



張文慈《宮心計2深宮計》演宮中司膳

無綫重頭劇《宮心計2深宮計》中,張文慈飾演宮中四司中的「司膳」汪敏,經歷宮中激烈鬥爭後,仲會升職做「尚宮」!



張文慈飾演負責宮中膳食的「司膳」,將會被指使在李隆基(馬浚偉飾)膳食中下毒!





多年來有唔少前ATV藝人過檔無綫,包括陳展鵬、萬綺雯、陳煒等,張文慈可以算係最後一個,自ATV執笠後,她在2016年過檔TVB,演出《老表,畢業》中一個女教師角色,獲觀眾大讚勁索。



單親家庭成長 童年受欺凌

雖然文慈打扮性感艷麗,但原來在兒時曾經有過不愉快的經歷。她早年接受傳媒訪問時透露,她在單親家庭成長,4歲時父母離異後她和姊姊、兩個弟弟跟着爸爸生活,由嫲嫲湊大!及至7、8歲時她很害怕上小學,因為被屋邨入面幾個大佢2、3歲嘅童黨欺凌:「佢哋打到我流血,直至讀完小學先冇再被人打。」可惜家人以為她結交壞朋友聯群結黨,不相信她受欺凌。

她又提到17歲時曾遭信任嘅男性朋友落藥以致失身,種種不快經歷令她多年以來一直不信任別人,自我形象價值低落,直言學泰拳也是想為了保護自己!幸而近年有信仰支持後,才能解開心結!

張文慈

信主後張文慈經常落區同教友一齊傳福音。


不過,前年內地有報道指Pinky曾被婆婆性侵犯,又指佢同謝賢合作拍《情陷夜中環》期間,四哥教Pinky錫佢個胸,Pinky睇到報道好嬲,特登喺微博出post澄清,指報道完全歪曲事實。

Pinky更發表自白,稱細個時候曾經歷喺屋邨被街童虐打、被同事落藥而失身等不愉快經歷,都係佢人生經歷嘅一部分,但如今已學識勇敢去面對,信主多年嘅佢仲引用聖經金句,話會「忘記背後,努力面前,向著標竿直跑!」她也希望傳媒別要歪曲事實。

張文慈

張文慈特登喺微博出post澄清所謂「被婆婆性侵」事件。


信主後封胸

46歲張文慈曾經係「晶女郎」、拍過不少性感作品,不過近年她信主後封胸,鮮有性感現身!

 
張文慈



張文慈前年罕有派福利,在微博放了幾張三點式噴血相,當中有半身同全身shot,仲有張瞓低晒長腿㖭!





入行多年 人緣甚佳

張文慈喺圈中人緣甚廣,同張栢芝、李麗珍和萬綺雯等都是好友,仲為教友張栢芝囝囝慶生。



陪李麗珍治情傷

當日李麗珍同潘源良再度分手,都係好友張文慈第一個爆料!事緣張文慈於微博貼上跟珍妹合照,留言:「傻豬~忘記他吧!鞋若不合穿,勉強著也是痛!」似叫珍妹忘記過去,之後齊齊到台灣旅行,順道為珍妹治情傷!



當日亞視三大花旦張文慈、萬綺雯同陳煒如今全部過檔無綫,三個雖然都年過四十,但依然係凍齡美魔女。



08年亞姐決賽,張文慈和萬綺雯雙雙上台表演,勁索!

張文慈



雖然40有6,不過張文慈真係keep得唔錯,除了副body冇肥肉冇凸腩,近睇都唔覺有火車軌。張文慈同關禮傑去泰國開工,兩個都好似唔識老,唔知夜晚有冇約埋一齊啪防腐劑呢?



張文慈

索爆熟女
鍾意就快D Share啦!
Related Posts Plugin for WordPress, Blogger...