2018年7月30日 星期一

婚姻經歷小風波後… 伍詠薇 練海棠 秤不離陀 __,練海棠,伍詠薇,

伍詠薇
婚姻經歷小風波後…伍詠薇練海棠秤不離陀女人唔補好易老!美魔女唔補又點省得靚自己個招牌?所以唔使開工、又唔使去街街時,當然要好似伍詠薇伍姑娘一樣,趁機去 ...


婚姻經歷小風波後… 伍詠薇 練海棠 秤不離陀



女人唔補好易老!美魔女唔補又點省得靚自己個招牌?所以唔使開工、又唔使去街街時,當然要好似伍詠薇伍姑娘一樣,趁機去做番個靚facial keep住個靚樣!平時約朋友、睇戲,去到邊都見到伍姑娘同老公練海棠形影不離…

撰文:東方新地





伍詠薇 練海棠 秤不離陀

呢日去西環做Facial,一樣係同練海棠一齊出遊,不過就叫司機早一步喺跑馬地放低老公先……仲以為兩公婆恩愛到連facial都要黐住一齊做!

伍詠薇
每個美魔女背後都要勤操fit美容keep住自己個靚招牌,日前伍詠薇就趁住得閒去咗西半山做個靚facial。

去到邊都有老公陪,呢日出門口時其實練海棠都同車,不過就早一步喺跑馬地落車先。


一身便服加頂草帽又踢對醒目橙色拖,其實唔係濃妝艷抹扮大家姐時,伍姑娘都有親和一面。




講開又講,49歲伍姑娘早排被電視台安排做38歲黃宗澤阿媽,見到平時素顏、便裝去做facial嘅伍姑娘忍唔住又要講多次,身型fit到少女一樣、容貌最多都係三十零歲,邊度生得出咁大個仔呢?
伍詠薇

伍詠薇、練海棠99年7月結婚,出年就結婚二十周年,雖然婚姻經歷過小風波,不過仍然感情不變﹗




伍詠薇《飛虎之潛行極戰》 扮黃宗澤阿媽

49歲伍姑娘伍詠薇於《飛虎之潛行極戰》飾演黑社會的大家姐,就算同吳岱融做對手戲,都不失霸氣,獲不少網民大讚,不過要扮38歲黃宗澤阿媽,其實一向保養得宜、keep得又靚,就算伍姑娘唔介意、觀眾睇都未必投入到劇情。



丈夫兩次出軌 伍姑娘:「我冇隻眼開隻眼閉」

今年是伍詠薇跟現任丈夫練海棠相識20年及結婚19周年,二人人前恩愛,但多年來,練海棠曾兩次被指出軌,對上2016年一次,伍姑娘更代為向公眾道歉。伍姑娘早前接受商台節目《1圈圈 星光背後》訪問,伍姑娘再被問練海棠二度出軌嘅事,她說:「我冇隻眼開隻眼閉!如果係嘅話,你會睇到出我係唔舒服,點解要咁做?有啲人係會死頂,但係我唔會!」

伍姑娘話第一次睇完啲出軌相,真係毛管戙咁起雞皮,嗰陣都大家都有傾過呢個問題:「其實我自己都有啲責任,因為慣住做嘢,少咗時間陪佢。」



到咗2016年老公第二次出軌,伍姑娘更代老公向公眾道歉,坦言感到很心痛及失望。伍姑娘話:「我同佢講:『走唔甩唔係我睇到,係記者發現!』不過真係好心痛、好失望。但係老公係自己揀,與其諗係咪佢錯晒,不如檢討吓自己有冇錯。我信呢件事係真,但事情發生咗,大家坦誠溝通後,睇吓可唔可以再一齊行落去!」



另外,伍詠薇透露89年參選亞姐,其後與相差31年的首任丈夫翁江培於90年結婚,但婚後13天,翁江培於陪同她到深圳登台期間心臟病發猝死,當時她年僅21歲:「那時結了婚十多日,丈夫和他的家人及幾位朋友陪我去登台。那時我還未唱完,我先生突然離場,我以為他想出去呼吸新鮮空氣、去一下廁所。怎料唱完後,家人就跟我說:『他突然不舒服、喘不過氣來,現在正在去醫院。』到達醫院,已經看到在進行心臟電擊搶救,之後醫生跟我說:『這個人已經離開了。』太突然加上當年太年輕,不懂反應!」

事後一直有傳伍姑娘繼承咗逾億遺產,伍姑娘話:「根本冇呢件事,嗰陣周圍嘅人都做編劇,試過有啲唔識嘅人,喺條街鬧我八婆,真係有苦自己知,依家見我嬉笑怒罵,其實係嗰幾年鍛煉返嚟!」



結婚19年,二人經歷過不少風浪,老公之前曾兩度出軌,伍姑娘也選擇包容,早前伍姑娘趁住有時間有拖住老公練海棠去戲院睇戲拍吓拖。



睇戲都有得睇,女人29加一要有披肩暖水壺自我保養,就快49加1的伍姑娘自然都有自己一套,戶外到戶內嗱嗱聲披番件披肩唔好畀自己冷親。



呢個時候老公練海棠好識做咁企喺商場大堂等埋老婆一齊行,呢對夫妻有幾恩愛之唔係由生活細節就睇得出!

女人唔補唔止易老仲易病,入商場前伍姑娘披番件披肩先,老公練海堂就望實老婆靜靜等候。




拍戲還拍戲,始終都係現實生活最重要,所以忙完新劇宣傳,伍姑娘趁有空即約埋老公練海棠去睇吓戲拍吓拖。雖然婚姻曾出現過風浪,不過伍姑娘對老公同自己都充滿信心,仲自爆有唔少小鮮肉追求㖭﹗



兩公婆一齊買飛、一齊買零食準備入場,結婚十九年步伐一致睇戲喜好亦都一致。



睇番那些年舊照,伍姑娘真係爽朗又性感!

鍾意就快D Share啦!
Related Posts Plugin for WordPress, Blogger...