網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月31日 星期二

楊千嬅:真係不和?陳煒大爆睇慣楊千嬅眼色 __,陳煒,楊千嬅,千嬅,

陳煒喺現場比較多同朱晨麗(右一)一齊,但佢強調同楊千嬅冇不和。影后楊千嬅、陳煒(煒哥)及朱晨麗(朱朱)因拍無綫新劇《多功能老婆》而變閨蜜,彼此互相照應 ...


陳煒喺現場比較多同朱晨麗(右一)一齊,但佢強調同楊千嬅冇不和。


影后楊千嬅、陳煒(煒哥)及朱晨麗(朱朱)因拍無綫新劇《多功能老婆》而變閨蜜,彼此互相照應,日前三人偕同黃浩然、馬蹄露及黎燕珊等人於天后拍外景,劇情交代千嬅有新工作,煒哥及朱朱等專誠現身打氣。

老友互笠高帽

早前有指煒哥與千嬅零交流,然而導演一叫埋位,二人即「交足戲」。當事人煒哥及千嬅否認不和,更互笠高帽大讚對方專業。煒哥坦言:「嗰日要先拍千嬅、馬蹄露同童星嘅戲份,我冇理由走埋去打擾佢哋啩?咪同朱朱企埋一邊傾偈囉!大家都係好朋友,千嬅一切都準備得非常好,對白亦有自己嘅特色,我哋一個眼神已有足夠嘅交流。」千嬅同樣表示:「今次拍劇之餘,仲識到一班新朋友,煒哥真係位實力演員。」據悉,三人曾結伴去欣賞舞台劇,關係不言而喻。

乜都傾一餐

千嬅欣賞煒哥之餘,亦對朱朱讚不絕口:「佢跳芭蕾舞好叻,我又鍾意睇芭蕾舞表演,佢一個女仔飄洋過海去學舞,我覺得好有鬥志。其實我哋三個乜都傾得一餐,上至健身下至扮靚,全部都可以分享。」

朱晨麗獲特別照顧

而三人中年紀最小的朱朱坦言獲得「雙重照顧」:「好難忘啱啱開工嗰時,我啲廣東話唔正,有工作人員走埋嚟講啲衰嘢寸我,我真係唔知點解,但千嬅即刻好嚴肅咁中止對方。而煒哥知我冇助手,有時拍嘢我行唔開買嘢食,佢買到就會分一半畀我,真係好似大姐姐咁。」

讚「囝囝」聰明

另外,千嬅談到戲內「囝囝」即母性爆發,大讚對方聰明:「佢同我個仔Torres都係6歲,所以好有親切感。試過有次佢唔滿意自己表現,竟然走去同副導演講要一分鐘時間冷靜,返嚟佢又真係做得到喎,好叻仔!」

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!