掃呢頁CODE去手機

2018年7月10日 星期二

湯鎮業孖仔闖娛圈:希望養到爸爸 __,湯鎮業,

■大孖Bruce(左)與細孖Chris十足餅印,驟眼看,甚有爸爸湯鎮業當年出道影子。
■大孖Bruce(左)與細孖Chris十足餅印,驟眼看,甚有爸爸湯鎮業當年出道影子。【《蘋果》專訪】繼謝賢與霆鋒、劉丹與劉愷威後,娛樂圈又添父子檔,湯 ...


【《蘋果》專訪】繼謝賢與霆鋒、劉丹與劉愷威後,娛樂圈又添父子檔,湯鎮業的23歲餅印孖仔大孖湯君慈(Bruce)及細孖湯君耀(Chris)已簽約甄子丹旗下,進軍影壇,出道即與子丹拍電影《大師兄》。Bruce與Chris這對孖仔早前一同接受《蘋果》專訪,提到將來目標,他們豪言:「希望養到爸爸!」

近年不少星二代子承父業進軍娛圈,不少都做得有聲有色,現在再有一對星二代孖仔闖影壇,他們就是湯鎮業的孖仔,湯君慈及湯君耀。Bruce與Chris去年在美國大學畢業後,簽約「宇宙最強」甄子丹旗下,即獲安排拍攝電影《大師兄》。這對孖仔對演藝事業的興趣,原來是來自從小到片場探班,而在父親湯鎮業耳濡目染下培養出來,Chris表示:「爸爸對我影響好大,佢好想我哋入行拍戲,慢慢都產生咗興趣。」

大孖Bruce跟細孖Chris讀大學已副修電影,Chris大爆爸爸湯鎮業在他們讀中學時,已鼓勵他們參加學校舞台劇演出:「爸爸仲會去學校,問可唔可以畀我哋加入。」湯鎮業又建議孖仔要多看電影,Bruce說:「乜類型嘅戲都睇,爸爸話好差嘅都要睇;我發覺眼神好緊要,爸爸好勁、好凌厲。」其實孖仔胞姊湯愛嘉亦有選修電影,但就打算做幕後,將來大有機會姊弟檔開工。



■孖仔Bruce及Chris同樣鍾意打籃球,大學時一起副修電影,現在又一齊加入娛圈。 ■孖仔Bruce及Chris同樣鍾意打籃球,大學時一起副修電影,現在又一齊加入娛圈。
■Bruce(右二)及Chris大學畢業,家姐湯愛嘉(中)、父親湯鎮業與現任太太鄒文靜也有出席畢業禮。互聯網圖片

■Bruce(右二)及Chris大學畢業,家姐湯愛嘉(中)、父親湯鎮業與現任太太鄒文靜也有出席畢業禮。互聯網圖片
■湯鎮業與第一任太太姜坤除育有Bruce及Chris一對孖仔外,還有大女湯愛嘉。互聯網圖片

■湯鎮業與第一任太太姜坤除育有Bruce及Chris一對孖仔外,還有大女湯愛嘉。互聯網圖片

打交打崩鼻

Bruce跟Chris除了外表相似,亦同樣愛打籃球,訪問當日兩兄弟在北角打波,原來兩兄弟曾因籃球失和。Bruce說:「細個會為小事嗌交,打機、爭玩具都會打交,記得中五嗰年,我哋打籃球時嗌起交嚟。」Bruce當時一拳打去Chris鼻樑,令Chris鼻骨歪掉要做手術。Bruce說:「嗰次之後,我哋冇再打交,大家都成熟咗,感情亦好咗。我嗰晚成晚瞓唔着,有喊,好內疚,未試過打到咁嚴重,我學識咗要珍惜細佬。」Chris直言當時好嬲哥哥:「要入院做手術,哥哥有嚟睇我,知佢內疚,我都原諒咗佢。爸爸有鬧佢,仲話佢『點解屋企人打自己人,要打就打出邊啲人,唔好打自己人』。」



■Bruce及Chris簽約甄子丹(中)旗下,進軍影壇。互聯網圖片

■Bruce及Chris簽約甄子丹(中)旗下,進軍影壇。互聯網圖片
■Bruce及Chris一同拍攝的電影《大師兄》,將於暑假檔期上映。劇照

■Bruce及Chris一同拍攝的電影《大師兄》,將於暑假檔期上映。劇照
■孖仔Bruce及Chris跟母親姜坤感情甚好,早前一齊切蛋糕慶祝母親節。互聯網圖片

■孖仔Bruce及Chris跟母親姜坤感情甚好,早前一齊切蛋糕慶祝母親節。互聯網圖片

唔怕爭飯碗

講到未來演藝路線,Bruce跟Chris都希望走「陽光男」路線,無懼「爭飯碗」,Bruce則表示:「我希望嘗試唔同路線,唔想俾人定格,想可塑性高啲,好人、壞人有機會都想試吓演出,或者細佬做壞人,我做好人。」兩兄弟有甄子丹力撐,又有父親湯鎮業背後支持,其實已經贏在起跑線,不過Bruce有一個願望:「我哋開始賺錢,唔使爸爸再畀零用錢,已經cut咗佢畀嘅信用卡,我哋基本開支應付到,下個目標希望養到爸爸。不過我哋仲住爸爸租嗰間屋,其他使費自己搞掂。」

採訪:陳杰

攝影:陳俊強

髮型、化妝:Nicole Poon、阿歷




鍾意就快D Share啦!