睇《天命》關於皇貴妃李施嬅嘅劇情，十有八九都會見到佢個貼身宮女曹思詩，成日頭耷耷眉皺皺，真係儼如深宮中惶惶不可終日嘅苦命人咁樣。不過，戲外嘅佢係第二個人，開放到不得了，仲有同老外脷疊脷嘅片段流出添。
戲入面，曹思詩係個乖乖侍候皇貴妃嘅宮女，而且白白淨睇落都幾純。不過戲外面，佢就係個火辣辣嘅性感美女，拍攝《天命》兩年後嘅呢段日子，佢更將自己曬到黑黝黝，成個東南亞美女咁。另外，佢除咗上圍有睇頭，更刻意打造豐滿翹起嘅蜜桃臀，原來目的就係想投老外所好。
其實片中同曹思詩唇槍舌劍嘅老外，係佢男友嚟架，而且仍然係上年石澳肉搏嗰位，估唔到佢兩個開放得嚟，又幾專一長情喎。
據知，曹思詩開放作風唔太符合大台標準，所以就算樣靚身材好，但都只能充當二打六角色，今次《天命》出場機會多兼有對白，算係好難得。至於簽咗俾王晶之後，曹思詩開始多工開，亦有機會返大陸拍戲，變相同男友少咗時間相處，難怪一見面就咁熱情啦。
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
