掃呢頁CODE去手機

2018年7月19日 星期四

【利字當頭】陳淑蘭半百歲生日會 向反目姊妹示威:利生好撐同錫我囉 __,陳淑蘭,

攝影:陳俊強
陳淑蘭今日喺尖沙嘴帝樂文娜公館舉行50歲生日會,主題喺「半個世紀.仲玩得起」,而大會顏色主打金色。間酒店係蘭子男友利承武主場,自然要問下利公子會唔會親 ...


陳淑蘭今日喺尖沙嘴帝樂文娜公館舉行50歲生日會,主題喺「半個世紀.仲玩得起」,而大會顏色主打金色。間酒店係蘭子男友利承武主場,自然要問下利公子會唔會親身駕臨賀壽。不過蘭子接受傳媒訪問時,一聽見「利先生」三個字就封口,只稱:「冇嘢講呀!」話口未完又忍唔住好開心咁「甜笑」:「呢度咁大支持,多謝晒。」即係暗示係利先生借地方俾佢搞生日會啦。

當再問到係咪免費俾個場佢用時,蘭子又再封口:「唔好再進一步講喇,講到我口都窒埋。」

踏入五十歲,咁大件事,利承武私下有冇同你慶祝?蘭子只答「唔係」。頭先蘭子提到自己「五十而知天命」,佢解釋話係同個天講,而唔係同記者講。

問到係咪想步入人生另一階段?蘭子話步入邊個階段大家都唔知。至於係咪問咪神神秘秘(結婚)冇講,佢就話:「係呀,女人好多私己好多私密,我好幸福,好多朋友撐我,總之我感受到好多唔同類型嘅愛,媽咪同我講今晚想飲香檳呀,最開心50歲仲有媽咪陪住我,覺得好開心同滿足。」

講來講去兜咗成個花園,係咪都係唔答感情事?蘭子話:「係,因為繼續講係冇止境,製造好多麻煩。總之大家見到乜就係乜,見唔到就冇嘢發生。」講到早前同Crystal嘅爭拗,係咪已經放低?佢話:「人生有好多事去學習成長,過咗就過咗,之後要行第二第三步。」問到利生係咪支持?佢話:「撐、支持同錫囉。我好多朋友都係咁,好開心。」

精選娛聞,喺晒《娛果》 http://fb.com/appledailyent

攝影:陳俊強 港姐出身嘅蘭子唔經唔覺已經半百。 港姐出身嘅蘭子唔經唔覺已經半百。
女人真係要相當大嘅勇氣先可以企喺呢個50路波波隔籬…

女人真係要相當大嘅勇氣先可以企喺呢個50路波波隔籬…



陳淑蘭舊愛祈文傑(左一)都有到賀

陳淑蘭舊愛祈文傑(左一)都有到賀

鍾意就快D Share啦!