掃呢頁CODE去手機

2018年7月20日 星期五

開騷憶亡夫 陳潔靈:喊到唱唔到 __,陳潔靈,

■陳潔靈丈夫離世多年,前晚佢放低傷痛重提舊事。
■陳潔靈丈夫離世多年,前晚佢放低傷痛重提舊事。陳潔靈(MissChanChan)共12場嘅「由靈開始」演唱會,前晚喺演藝學院正式開鑼,MissChan ...


陳潔靈(Miss Chan Chan)共12場嘅「由靈開始」演唱會,前晚喺演藝學院正式開鑼,Miss Chan Chan一向畀人女強人感覺,不過硬朗外表卻有顆脆弱嘅心。全晚令人最震撼嘅係佢重提舊作《哭可以麼》,令佢憶起亡夫張耀榮離世。

演唱會中段,Miss Chan Chan提到由林振強填詞嘅舊作《哭可以麼》時,佢話:「呢首歌係改編Celine Dion嘅作品,有樣嘢我同佢好似,就係大家都曾經歷丈夫離開,呢首歌係林振強特別寫畀我,我最初喊到唱唔到,後來又喊又唱咁完成。」分享完感受,Miss Chan Chan深情演繹呢首歌,現場觀眾感動到拍爛手掌。全晚Miss Chan Chan唱咗好多首本名曲,仲有好友張國榮同陳百強嘅作品。最特別嘅係小美將哥哥張國榮嘅《由零開始》重新填詞,變成《由靈開始》,成為今次演唱會主題曲。



■陳潔靈丈夫張耀榮係好好先生,可惜於09年肺癌病逝。

■陳潔靈丈夫張耀榮係好好先生,可惜於09年肺癌病逝。
■陳潔靈與肥媽係多年好友,陳自爆騷後攬着肥媽老公爆喊。資料圖片

■陳潔靈與肥媽係多年好友,陳自爆騷後攬着肥媽老公爆喊。資料圖片

死頂入後台爆喊

完騷後Miss Chan Chan受訪時話:「今次場地同觀眾距離好近,加上有甄詠蓓擔任導演,所以加入戲劇元素,希望呈現一個有特色嘅演出。」提到演出中重提亡夫張耀榮離開嘅傷心經歷,佢話:「當時出席一個籌款活動,同台有Maria Cordero(肥媽)同劉美君合唱,但我當時個腦一片空白,死頂唱完首歌入後台,就攬住Maria老公跪喺地下度喊,係完全崩潰,所以都經歷咗好多,先可以喺台上輕鬆咁講。」Miss Chan Chan與張耀榮婚後一直恩愛,可惜丈夫09年中因肺癌病逝,事隔9年,她才放下傷痛舊事重提。

撰文:馮仁昭




鍾意就快D Share啦!