掃呢頁CODE去手機

2018年7月19日 星期四

【有錢靚仔滑水教練】老婆陳嘉寶有信心 黃頌祈唔怕飛來蜢 __,陳嘉寶,

攝影︰沈健程
夏日炎炎,最好落水同陽光玩遊戲,近年在圈中流行玩Wakeboard,當中的佼佼者,莫過於陳嘉寶(Anjaylia)的老公黃頌祈(Epaphras,簡稱 ...


夏日炎炎,最好落水同陽光玩遊戲,近年在圈中流行玩Wakeboard,當中的佼佼者,莫過於陳嘉寶(Anjaylia)的老公黃頌祈(Epaphras,簡稱EP)。今年37歲的EP,有「長洲彭于晏」外號,自小在長洲長大,擅長習水,任何水上運動都難不到他,全因他是滑水健將,曾在本地和國際賽事中奪獎。早於十年前他已取得滑水教練牌,又是裁判,更是香港滑水隊總會纜繩滑水分部副主席。最近他經常教老婆的好友玩滑水,如蔡思貝、陳瀅、何雁詩等。

日前EP在大埔,駕駛住價值160萬的Nautique游艇出海接受《蘋果》專訪,還親自落水,示範了幾招花式滑水。自小對住海成長,EP笑言爸爸將他掟落水中學游水,他說︰「2、3歲就掟落水,當然有救生衣,嗰時太細,見我游唔到就即刻拉我上嚟,唔會由我自生自滅,不過原來都work work地,習慣幾次就學識。(將來你嘅仔女,你會唔會咁樣教游水?)唔得,依家會俾人投訴。」

談到老婆Anjaylia自嘲是「防水」,EP說︰「其實佢因為工作上唔曬得,佢唔係防水,我都有教過佢滑水,不過好少,一、兩次,可能佢細個學游水時嚇親,依家徵求一位靚仔教練教佢游水,(點解你自己唔教?)我唔擅長,而且兩夫妻教,佢會冇咁專心,留番畀靚仔教。」

本身任職金融界的EP,每次都會親自駕駛游艇出海滑水,他邊開船邊手持iPad,睇住股市走勢,他說︰「因為工作壓力好大,我幾鍾意自己開船,感覺好靜。」而他駕駛的游艇,亦十分先進,他說︰「呢架船可以用手錶嚟遙控,製做出嚟嘅浪,高低大細都可以控制到,而且啲浪好靚。」

有家底,又是金融才俊,加上是滑水教練,問EP是否經常有飛來蜢埋身?他笑言︰「人哋feel到你嘅氣場,係專心做嘢,唔係有空間畀大家發生任何嘢。我老婆對我好有信心,我又好檢點,唔會有任何溝通上嘅誤會,而且佢EQ好高,我係個性急冇耐性嘅人,而佢就好有耐心慢慢傾,所以我哋好少拗撬。」

EP原來少年時拍過不少廣告,如快餐店、服裝店、飲品等,差一步便入行做娛樂圈,他說︰「個時拍咗好多廣告,差不多去到拍電影,屋企人唔想我入行,所以冇入到,繼續讀書。」

採訪︰羅婉玲

攝錄︰廖達燊

精選娛聞,喺晒《娛果》

http://fb.com/appledailyent

攝影︰沈健程 任職金融的黃頌祈,又是滑水教練,這天他駕駛其160萬游艇出海。 任職金融的黃頌祈,又是滑水教練,這天他駕駛其160萬游艇出海。
去年11月,陳嘉寶下嫁EP,問幾時生B?EP笑言等老婆拍完戲先。(資料圖片)

去年11月,陳嘉寶下嫁EP,問幾時生B?EP笑言等老婆拍完戲先。(資料圖片)
EP話平時工作壓力大,喜歡自己揸船出海。

EP話平時工作壓力大,喜歡自己揸船出海。
EP即場示範滑水。

EP即場示範滑水。
玩花式滑水,冇難度。

玩花式滑水,冇難度。
凌空180轉都得。

凌空180轉都得。
早前由EP籌備的滑水活動,請來唐文龍做嘉賓。(資料圖片)

早前由EP籌備的滑水活動,請來唐文龍做嘉賓。(資料圖片)
EP少年較瘦削,曾拍服裝廣告。(受訪者提供)

EP少年較瘦削,曾拍服裝廣告。(受訪者提供)
一臉幼嫩的他,曾拍一些食品硬照廣告。(受訪者提供)

一臉幼嫩的他,曾拍一些食品硬照廣告。(受訪者提供)
黃頌祈幾歲大就好活潑,經常去玩水。(受訪者提供)

黃頌祈幾歲大就好活潑,經常去玩水。(受訪者提供)

鍾意就快D Share啦!