2018年7月13日 星期五

心穎洗腦結婚要獨立?馬明:暫時未有呢個話題 __,心穎,馬國明,馬明,黃心穎,

■有指馬國明為咗黃心穎打消婚後同父母住嘅念頭。資料圖片
■有指馬國明為咗黃心穎打消婚後同父母住嘅念頭。資料圖片馬國明同黃心穎拍拖後不時放閃,加上馬國明已經44歲,唔少人都好關注佢哋嘅婚期。噚日有報道指曾經講 ...


馬國明同黃心穎拍拖後不時放閃,加上馬國明已經44歲,唔少人都好關注佢哋嘅婚期。噚日有報道指曾經講過婚後會繼續同父母住嘅馬國明,喺女友黃心穎嘅洗腦之下,開始打消呢個念頭,仲努力儲錢再買樓,婚後同父母分開住。報道仲話馬國明為心穎轉形象,買過晒啲衫褲,而且仲豪花20萬買情侶戒,仲有傳聞指馬國明媽咪有微言。

噚日馬國明否認報道:「其實除咗真係要努力儲錢之外,全部嘢都唔係真,我哋暫時都未有結婚呢個話題,始終佢仲係好年輕,仲想喺事業上先衝刺一下,所以暫時未有呢個話題。」



■馬國明(左)出名孝順父母,經常陪家人周圍去。資料圖片

■馬國明(左)出名孝順父母,經常陪家人周圍去。資料圖片

儲錢保障家人

馬國明仲解釋,儲錢係為咗保障自己同屋企人:「咁辛苦搵啲錢番嚟,起碼唔好令佢貶值,最少都可以抗到個通脹,所以一定儲錢。再加上我哋呢行冇乜保障,所以咪要保障吓自己,如果儲到錢,咪再去做吓啲穩陣嘅投資,為咗自己同屋企人將來嘅保障!」至於心穎都話:「冇啲咁嘅事,多謝關心。」

撰文:馮仁昭




鍾意就快D Share啦!
Related Posts Plugin for WordPress, Blogger...