2018年7月29日 星期日

【女人難埋堆】拍劇同場零交流 朱晨麗最識做 楊千嬅陳煒各有各 __,陳煒,楊千嬅,朱晨麗,千嬅,

呢日見到朱晨麗、陳煒拍《多功能老婆》嘅外景,同場仲有楊千嬅、馬蹄露同黎燕珊,又有許紹雄同黃浩然,好大陣仗。朱晨麗等緊拍嘅時候,千嬅啱啱到,話晒係天后又 ...




呢日見到朱晨麗、陳煒拍《多功能老婆》嘅外景,同場仲有楊千嬅、馬蹄露同黎燕珊,又有許紹雄同黃浩然,好大陣仗。朱晨麗等緊拍嘅時候,千嬅啱啱到,話晒係天后又係影后,七人車加助手就梗啦,一落車大搖大擺咁行,好有勢。

朱晨麗見到千嬅,好識做say晒hello,兩個寒暄咗兩句,千嬅就拜神。大熱天時等埋位,千嬅同馬蹄露吹晒水咁,企喺旁邊嘅朱晨麗插唔到嘴唯有撩個小朋友玩。之後朱晨麗轉搵陳煒傾計,好快兩個已經雞啄唔斷,反而,一直喺旁邊嘅黎燕珊就冇人理。黎燕珊試過攝位,主動叫朱晨麗同陳煒自拍合照,結果,影完又係咁,佢兩個繼續吹水,搞到黎燕珊入唔到話題。

結果,一班女人同場,分開兩堆,千嬅同馬蹄露,陳煒同朱晨麗。不過,導演一叫埋位,佢哋交足戲,對住鏡頭又攬又錫,so easy!

攝錄:蕭敬漁

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app

鍾意就快D Share啦!
Related Posts Plugin for WordPress, Blogger...