咁驚險呀？
影帝古天樂（古仔）向來喜歡做善事，不但在內地興建學校，又捐錢建水窖等。今日有一名內地女粉絲，趁他出席公開活動時求助，突然跨出活動場地再上一層的電梯圍欄外，舉起大字報，大字報內容指其父親患病，望古仔能借100萬給她。由於場面危險，最後數名保安出動合力制服。
事後古仔受訪時坦言不知事發經過，但有女子透過工作人員交信件給他：「都幾驚險，捐出去（圍欄）咁危險！其實公司都收到呢啲求助個案，有時擔心係騙案，所以要了解清楚，係真先至會處理。（會唔會去了解？）要了解清楚先，有時唔係講一個銀碼，捐款都係，會盡力去幫。（會否覺得個女仔行為過激？）咁樣擒出嚟，引起公眾安全問題，如果下面有人，跣親就唔好。」
古仔更指過往有社區團體、老人院及學校，所需要的僅是別人探訪或提供物質，並非一定需要金錢上的協助。問到是否因其形象經常幫助人，才吸引到陌生人尋求幫助？他謂：「我冇深究呢樣嘢，有時幫到就幫，都會有同事幫手了解。（會唔會將有啲個案轉介畀慈善機構？）會，有時需要書薄方面就會搵出版社幫手。」
----------------------------
東網巨星開咗ig喇，大家快啲follow
https://bit.ly/2JjSVcr
來源 source: http://hk.on.cc
|
鍾意就快D Share啦！
|
|
|
