網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年7月28日 星期六

謝霆鋒孖陳偉霆 公園推手傾心事 __,霆鋒,陳偉霆,謝霆鋒,

謝霆鋒孖陳偉霆公園推手傾心事Viutv播映嘅《鋒味前奏》差唔多去到尾聲,今晚(28日)播出嘅尾二一集,主持火火就同謝霆鋒大講佢嘅閨中蜜友好兄弟。今集霆 ...


  • 謝霆鋒孖陳偉霆 公園推手傾心事


  • Viutv播映嘅《鋒味前奏》差唔多去到尾聲,今晚(28日)播出嘅尾二一集,主持火火就同謝霆鋒大講佢嘅閨中蜜友好兄弟。

    今集霆鋒示範三文魚鮫同三文魚刺身嘅做法。點解今集整三文魚?霆鋒就話因為上次拍攝《鋒味》時,同咗老死馮德倫去到挪威,馮德倫話想食現場、當地嘢食,咁啱霆鋒又拎咗條三文魚,於是就即席整咗呢味菜式,霆鋒話:「我發覺當你自己識得開雞、開魚,啲嘢平好多㗎!我哋識咗好耐,以前我哋係鄰居嚟㗎,我住樓上、佢住樓下。」

    霆鋒一向俾人有種cool到爆嘅感覺,於是火火就問佢如果要數圈中好友,可以數到幾多個呢?霆鋒就話自己好慶幸,仲可以好自豪咁講都幾多:「我最記得我細個時,阿媽同我講咗一句:『一個男人的成功,唔係睇你銀行有幾多個零,係睇你可唔可以數得出你有幾多個好嘅知心朋友。』」火火又好疑惑地問:「你會願意俾人知你的心事?」霆鋒就話自己喺朋友入面係聆聽者角色,仲搞笑咁話:「尤其是當你有啲好似陳奕迅咁樣嘅物體喺對面,你冇得講㗎!」

    雖然作為一個聆聽者,但霆鋒話冇諗過自己講嘅幾句說話,會對人影響咁深:「我真係覺得我好幸運,有陣時朋友又會講得出一啲嘢,係我唔知我對佢哋嚟講嘅嘢原來都咁有意義。有時陳偉霆講番,佢未爆紅之前,原來佢好記得我帶佢去邊個公園、去練過詠春,嗰陣時成日同佢講呢啲,『唔好放棄呀!我都捱咗好耐啦 』我唔知道原來對一個人嘅影響可以有咁深,隔咗咁多年。」

    咁霆鋒低潮時,又有冇遇到一個聆聽者呢?霆就話自己係相反,唔識得做講嗰個,「我好少同人講呢啲嘢,都唔會同父母講,呢個可能係我咁多年嘅性格。」佢仲好肯定自己呢個性格唔會變,「都經歷足夠嘅嘢,知道會過,而家又睇得開咗,所以更加唔需要訴苦,好快會過去。」

    立即下載Apps,隨時隨地睇盡時政專題、深度偵查、娛樂熱話!

    按此連結:http://bit.ly/next28app

    鍾意就快D Share啦!