2018年7月12日 星期四

李佳芯盧苑茵婆媳大戰 兩者點解永遠都對立? __,李佳芯,

李佳芯
李佳芯盧苑茵婆媳大戰兩者點解永遠都對立?近日,TVB新劇《BB來了》成為話題之作,除了因為劇集劇情非常貼地,睇得一班觀眾十分有同感外,還因為女主角非常 ...


李佳芯盧苑茵婆媳大戰 兩者點解永遠都對立?



近日,TVB新劇《BB來了》成為話題之作,除了因為劇集劇情非常貼地,睇得一班觀眾十分有同感外,還因為女主角非常好戲,完美演繹出做人妻及新抱的感受!最新一集中,更因婆媳問題,爆喊!另外,亦同大家分析有什麼原因令成功活演現實中婆媳間糾紛的問題!

撰文:東方新地|圖片:TVB截圖、TVB





李佳芯產後爆喊

《BB來了》昨日播出第3集,劇集節奏明快,話咁快就講到李佳芯已經因胎盤剝落要緊急開刀生BB,幸好母女平安!點知演奶奶的盧宛茵不但無體諒新抱要開刀生B,反而一到醫院就責怪李佳芯因去Party,才引致要開刀!

李佳芯



奶奶盧宛茵一入門口,問候新抱一句都冇,立即責怪新抱差啲令佢冇咗個孫女,認真惡到爆!



李佳芯感委屈爆喊

啱啱生完bb的李佳芯聽到後傷心到爆,馬上就淚如泉湧,爆喊!



生完B後完氣都未回復的李佳芯仲同奶奶鬥氣,話自己是有意令自己不能順產,真係睇到人心都酸埋!



劇中主線 婆媳問題

其實於劇中,婆媳問題一直是劇中主線之一,事關女主角李佳芯係一位事業型女強人同男主角黎諾懿住在開放式單位,本身得兩口子當然無問題,但卻意外有了BB後就要搵屋搬。點知黎諾懿就提議搬到媽咪盧苑茵樓下住,令本身已經對奶奶反感的李佳芯有更大的反應及不滿!



作為新婚夫婦,本身就係想遠離長輩,好讓兩公婆可享二人世界先會決定搬出去住,但老公竟然話搬去啊媽樓下住,咁咪等於又回到最初?李佳芯就當然極大反應話:「要我搬去佢樓下,寧願呢世都唔買樓 !」



李佳芯演活現實婆媳糾紛

李佳芯本身於劇中可謂是一個相當有骨氣的女強人,從來只希望靠自己自食其力賺錢生活,所以由拍拖到結婚,其實一直都得唔到奶奶歡心,亦因此兩婆媳永遠處於對立狀況。



作為奶奶的盧苑茵身為闊太,就經常恃勢凌人,以「生仔就幫手俾首期」,利誘新抱生仔,出發點永遠同新抱的諗法不一致,雙方就如有代溝一樣,除了傾唔到計外,相處亦水火不容!



兩婆媳平日相見時已刀來劍往,再加一個飾演李佳芯媽媽的陳秀珠,三個女人簡直似世界大戰一樣,難怪唔少觀眾睇完套劇都覺得身同感受!



至於點解奶奶好似永遠都同新抱唔啱Key,呢套劇可能就正正點出咗幾個重點或可能性,依家就一齊睇下有什麼原因



|事事向錢看

奶奶盧苑茵開口埋口都同新抱講錢,「生BB就俾錢你地做首期」掛在口邊,令BB好似變成一件貨物一樣!一個生命幾時變了用錢來衡量?



兩家人食飯時,男女主角話俾一萬蚊象徵式當租金兼家用給盧苑茵,誰不知盧苑茵當住親家面前大大聲話:「我咁多錢使咩你俾啫﹗」難怪新抱話就算有經濟壓力都唔想接受施捨,免得BB第日大個有樣學樣,事事向錢看!

就連飾演李佳芯媽媽的陳秀珠都不屑女兒奶奶所說的話!


|四圍「唱」新抱

第一集盧苑茵出場時,同一班闊太聚餐,不斷同眾多朋友面前「唱」新抱,放暗箭,話新抱先斬後奏旅行結婚,唔擺酒令佢做奶奶十分無面!不過,今時今日又唔係下下結婚都要擺酒嘅。



另一個重點係,無論個新抱有咩做法,啱定唔啱都好,唔係樣樣嘢都拎出嚟同人哋開心share嘅,話哂都係家事。



|干涉教B湊B

由於每個人的成長經歷都不同,因此每對父母都有自己獨特一套湊B方法。不過,劇中奶奶「好心」搶住埋單添置BB用品,仲將將新抱訂的bb用品私下改晒,難怪睇到觀眾們眼火爆!



講到底,湊bb的方式並無特定一套,最重要係兩公婆在湊B的時候有共識,一起商量該如何湊B,而不是長輩或任何一方單方面私自決定一切,理性討論是必需的。



《BB來了》首集內容勁貼地

《BB來了》第一集就如劇名一樣,講述女主角唐恬兒(李佳芯飾演)與男主角葉致廷(黎諾懿飾演)是新婚一年 ,仍處於甜蜜期的夫妻,二人正為事業拼搏期間,卻突然意外有了BB,結果將一切計劃打亂。



劇集四大共嗚位

|身體變化

李佳芯本身樣靚身材正,於劇中她除咗係一名女強人,同時亦是一位十分著重自己外觀的現代女性,故懷孕後面對身體變化,小肚開始遮唔住,塊面又暗又多粒粒,陀仔個鼻又紅晒,對她的確是一大衝擊!



作為一名愛美麗的女士,要由一個本身身型纖瘦的靚女,變成一個師奶,仲要唔知生完bb後能否修身成功,一個又一個未知之數及犧牲,無疑引起唔少女士們的共嗚!



|財政壓力

劇中,兩公婆住開放式單位,加上一人一份糧,每月出糧可以有錢買衫買酒得閒出埠,享受輕鬆人生。但面對BB的來臨,開支馬上變大,例如產檢兩星期至一個月覆診一次、順產4萬開刀7萬等,樣樣都係錢。



另外,陪月、買BB車BB床奶樽奶粉等,淨係陀BB十個月加出世,都已經十幾二十萬,兩公婆原本預期的中產生活變成泡影,在毫無準備下,財政壓力變大,生活上的確好大打擊!



|放棄事業

話說李佳芯本身就備受公司賞識,準備到巴黎受訓一年,但因為有咗BB,無論是陀緊BB定坐月,都不適合於外地逗留太耐,所以她只能無奈選擇放棄晉升機會。



面對奮鬥多年的事業,明明大好機會擺在眼前,卻只可眼白白望住機會溜走,一直以來將時間及心血放於事業,最終只能忍痛放棄,箇中痛心疾首的感受相信非一般人所能明白!



|長輩壓力

劇中,李佳芯除咗係一位事業型女強人,同時亦是自食其力靠自己賺錢改善生活的人。她即使嫁了有啲家底的黎諾懿,飾演她奶奶的Madam Lo不時以「生仔就幫手俾首期」,反令李佳芯十分反感。



除此,劇中飾演李佳芯媽咪的陳秀珠又不斷催個女生bb,又自覺自己湊大十幾個BB又聲稱讀咗陪月課程,對於湊b 絕對綽綽有餘,點知人中被女兒發覺原來媽咪都好唔專業,生咗都唔放心俾阿媽湊。










鍾意就快D Share啦!
Related Posts Plugin for WordPress, Blogger...