陳志雲的「志雲尋志雲登陸舞台演嘢會」嘉賓陣容強勁，繼曾俊華及田北俊後，前晚又有張敬軒與李克勤。軒仔抱病上台獻唱《青春常駐》後，就與志雲擁抱，他大讚志雲有智慧，曾教他處理各種情緒問題，志雲感激軒仔：「佢病都嚟，係一個好有心嘅人，佢餐廳嘅嘢食都好好味。」
20年拎男歌手
克勤緊接軒仔出場，志雲認對他偏心：「佢破咗《志雲飯局》嘅紀錄，通常一個人出席一集，但佢就做咗三集。」克勤自嘲話：「如果唔係點做TVB契仔……『契仔』呢個詞，我以前以為係讚美，點知原來最親係親生仔，跟住係收養，然後先係契仔，通常遺產都冇得分，所以只可以上到三集《志雲飯局》，同埋等咗20年至攞到最受歡迎男歌手獎。」志雲即笑問：「你講TVB同商台？」
| | |
面試忍唔到笑
志雲又提到拍完第三集《志雲飯局》，才知克勤與盧淑儀結婚，又語帶雙關說：「如果你𠵱家喺港姐入面揀，就難揀好多。」克勤無奈說：「你唔喺度做講乜都得，但我唔知會唔會再返去，我驚得罪人。你係咪講今年嘅質素？」志雲直接話：「近年都係咁，之前面試，我哋成日幫何麗全綁鞋帶，因為忍唔到笑，心諗『咁都嚟』。」克勤立即踢爆他：「你當時唔係咁講！你話今屆質責好高㗎！」志雲暗寸：「最近余詠珊更高質素，話今屆好精采，但問番佢都唔知個賽制係乜！」克勤說：「你問嘅嘢唔好陷我於不義，我同Charles Chan（TVB主席陳國強）好熟㗎！」
最後志雲請克勤唱多首歌，克勤表示怕忘記歌詞，志雲即借勢笑譚詠麟：「你咪學阿倫遞支咪畀觀眾唱囉！」克勤即代阿倫澄清：「佢係特登唔記得，rundown入面有呢part嘅。」
採訪、攝影︰盧妹
|
鍾意就快D Share啦！
|
|
|