掃呢頁CODE去手機

2018年7月7日 星期六

【最後一次棟篤笑】黃子華頭場完騷哽咽拭淚:想喺太平盛世做個小明星 __,子華,黃子華,

黃子華楝篤笑今晚喺11點完,喺完騷前子華話:「呢個時候我真係好羨慕啲歌星,因為啲歌星唔使講乜嘢,只係唱首歌,巨星收山梗係唱一首歌,當然我哋嘅巨星收山, ...


黃子華楝篤笑今晚喺11點完,喺完騷前子華話:「呢個時候我真係好羨慕啲歌星,因為啲歌星唔使講乜嘢,只係唱首歌,巨星收山梗係唱一首歌,當然我哋嘅巨星收山,必然係會復出,你放心,我唔係巨星,我只係有啲觀眾緣啫,但係,我就係想唱歌,我唔單止想唱歌,仲想唱啲其他巨星唔會想唱嘅歌,我要唱時代曲,係香港第一代嘅時代曲,即係粵曲。

現場即刻有好熱烈嘅歡呼聲,子華話:「我唔知以前有冇人睇過一套戲,係TVB嘅《幻海奇情》,係專講啲靈異嘢,我呢首歌就叫《幻海奇情》,係清唱,如果你唔慣粵曲,就揞住隻耳,我知有啲人好驚。」

子華接住清唱:「勞碌半生忙打拼,想喺太平盛世,做個小明星,贏咗有糖,時光荏苒……」子華唱到此處,突然間好感動,一度哽咽唱唔到落去,佢拎咗張紙巾印一印對眼,要停一停等心情平伏,現場觀眾即刻俾掌聲鼓勵。

子華之後笑自己冇用,佢再唱:「時光荏苒,也不要為君停,人生在世,真係需要能量正,幾多難關,難過,講亦講唔清,我回首望住,首望住你個紅館至醒悟,能夠與各位喺度歡樂一笑,都算係幻海奇情。」


鍾意就快D Share啦!