請參與壹週刊超吸引大獎賞活動（包括與陶傑晚宴），即按詳情：https://bit.ly/2KI2Nyf
起初大家知道麥玲玲有份客串《深宮計》時，都滿心期待佢飾演楊貴妃，仲話玲玲姐係劇中唯一一個符合唐朝審美觀嘅女性。點知到大結局先出場嘅玲玲，只係一個搞笑嘅存在，講咗一句：「贈你哋六個字：『做人不要太膚淺！』」其實係七個字。
無論幾時見到玲玲姐都係咁珠圓玉潤、一身福氣，加上一向紅噹噹嘅打扮，更添喜慶貴氣。至於劇中著到雍容華貴嘅佢，根本就係貴婦一個，而且一開口講對白，一輪嘴雞啄唔斷氣都唔使抖仲要押晒韻好似rap緊歌咁，更見氣勢，亦不期然令觀眾又諗起佢唱《風生水起》：「要Rap都完全冇難度。鼻頭好有肉，內心就冇毒。眼睛水汪汪，桃花運暢旺。」
雖然只係客串短短小一節戲，但玲玲都願意倒貼飛去橫店拍攝，睇完佢演出後終於知道原因喇，咪就係因為角色抵死吸睛有親和力，實會令觀眾有好感囉。能夠建立觀眾人緣，倒貼少少錢又有乜所謂呢！
來源 source: http://nextplus.nextmedia.com
|
鍾意就快D Share啦！
|
|
|
