嗯…明晒！
藝人林夏薇現身apm數碼運動潮人學堂，現場她與新鴻基地產（中國）執行董事馮秀炎一同試玩五個好玩潮點。剛約滿無綫的她，今日首次以自由身接工作，表示有點不習慣，揚言好掛住公司。提到有冇見過堂兄林峯的新女友內地索模張馨月？林夏薇口快快說：「有！」及後知道說漏嘴即兜，但愈講愈爆：「你講緋聞女友就知，新女友就唔知，聚會見過一兩次。（佢女友已經融入咗家庭聚會？）咁又唔係太多聚會，我又忙，同老公飛嚟飛去。（你咁忙都見過兩次？）可能有一次係你哋都見到。（覺得張馨月點？）無任何覺得點，因為好少接觸，唔多見面，會傾吓偈。（佢靚唔靚？）靚。（同林峯襯唔襯？）要問番林峯。」她透露林峯不在港，正在外地拍戲。
林夏薇表示最近還跟老公莫贊生返工學投資，暫時不拍劇，她說：「我會由低做起，由初級做起，跟到咁好嘅師傅。（老公親自教？）係，跟佢返工。（工資會唔會喺家用扣番？）唔關事，志在學嘢。」她透露飲食生意又開分店，又有其他新投資項目，故非常忙碌。
她說早前結婚三周年紀念，難得與老公撐枱腳吃浪漫餐，對於造人大計，她表示正看中醫調理身體，因早前撞車傷了頸錐，不能做運動，現在也不能做太劇烈的運動，要慢慢鍛煉肌肉，自言之前太瘦，現要多吃、多休息。
來源 source: http://hk.on.cc
|
鍾意就快D Share啦！
|
|
|