2018年7月13日 星期五

大小姐榮升做「宋師奶」 與送水輝爆出肉麻對話! __,

大小姐
大小姐榮升做「宋師奶」與送水輝爆出肉麻對話!劇中,大小姐與送水輝呢對CP可謂愛得難離離捨,波折重重,令各位觀眾睇得十分肉緊。近日一集《愛·回家之開心速 ...


大小姐榮升做「宋師奶」 與送水輝爆出肉麻對話!



劇中,大小姐與送水輝呢對CP可謂愛得難離離捨,波折重重,令各位觀眾睇得十分肉緊。近日一集《愛·回家之開心速遞》中,大小姐終於榮升做「宋師奶」,仲同送水輝大放閃光彈,誓要閃盲眾觀們眼睛!

撰文:東方新地|圖片:TVB截圖、Instagram





大小姐送水輝商量對策

首先到大家佢個小回顧先,上回講到大小姐為咗成為接龍集團嘅繼承人,不惜喺舅父KC(歐瑞偉飾演)面前扮對送水輝冇感覺,但最後還是發現自己最愛仍然係送水輝。因此,當二人再次相遇後,自知雙方對彼此嘅愛意仍非常濃烈,所以商量對策為日後嘅路作打算。

大小姐



大小姐當眾奚落送水輝

大小姐同送水輝為咗掩人耳目,於是決定玩地下情!呢集就真係甜到漏,同時仲好好笑,皆因講大小姐因為怕畀舅父KC知道佢同送水輝已經成為戀人關係,於是喺公司當眾奚落送水輝!



大小姐喺公司當住所有人面前,大聲對住送水輝指佢人頭豬腦,仲笑佢髮線向上生,認真不留情面!



髮線從來都係男人其中一個最關心嘅問題,而大小姐就狠狠取笑對方,擺明落對方面!



作為男人,畀大小姐咁講,真係即時玻璃心咗一下!



不過,當然呢一切都只係做樣畀人哋睇,而實情係大小姐已經特地搵咗個自己旗下物業嘅單位,作為兩人的愛巢。



計劃周全嘅大小姐仲特登選址一個全公司都無同事居住的地區,以方便佢哋全情投入二人世界,又唔會被同事撞破。



喺屋內,一向強勢嘅大小姐馬上變得小鳥依人,除咁主動攬實男朋友,仲溫柔依偎於送水輝懷裡,睇到都覺得sweet爆!



二人肉麻對話

送水輝仲問大小姐想怎樣稱呼自己,大小姐就含羞答答咁講:「叫我做小蓮。」又講愛的宣言:「就算你禿頭,我都會咁鍾意你!」真係差啲閃盲眼睛!



無論對方外表變成點,但心始終不變,呢啲咪係真愛囉!



大小姐榮升做「宋師奶」

最甜一幕,就係大小姐離開愛巢時遇見鄰居時,佢怕醜回應自己係宋太,又一個閃光彈!



大小姐嘴角含春

送水輝仲將電話入面大小姐個名set做「慈雲山宋師奶」,令大小姐冧爆,難怪大小姐會嘴角含春



送水輝同大小姐sweet爆劇情,完全滿足哂觀眾一直以嚟嘅願望,未知觀眾會唔會期待劇中有更多類似劇情,又或者有新CP嘅出現呢?



林淑敏哂與許家傑沙灘合照

林淑敏同許家傑戲外都各有另一半,但唔少觀眾仍好希望二人可以在一起。

身形弗爆嘅送水輝赤裸上身,一身健碩肌肉表露無遺。


林淑敏之前上載咗幾張相上個人社交網,見到佢同許家傑一齊去咗沙灘享受陽光與海灘。



當大家都可能以為佢哋兩個「自私約」去玩嘅時候,實情其實係去咗拍劇。



林淑敏「自私影」留念

難得可以離開一下錄影廠進行拍攝,去到沙灘取景嘅大小姐就緊係即刻把握時間影番幾張靚相,今次就真係「自私影」



雖然大小姐冇着泳裝騷body,但著住條花花裙,馬上變得青春有活力!好多網民仲留言讚大小姐愈嚟愈靚。



林淑敏許家傑有埋床上戲

大小姐同送水輝呢一對螢幕情侶形象入屋之餘,亦非常得一班觀眾歡心。之前有集就講到大小姐繼續幫襯送水輝嘅初戀套餐,仲要有埋床上戲!



但大家唔好誤會,佢兩個其實係去傢俬店,扮演龍小蓮同輝Dee即將要同居而試床啫。

鍾意就快D Share啦!
Related Posts Plugin for WordPress, Blogger...